Gündəm
Gündəm / Cəmiyyət
AYNA-nın yersiz marşrut islahatları... - ETİRAZ VAR...
"Dünən 3 saylı marşrut avtobusuna mindim. Badamdardan 7-mikrorayona. Arada mənə elə gəlir ki, hələ də yoldayam. Nə zülmlər çəkirmiş sərnişinlər!"
"MUMtv.az" Dia-az.İnfo-a istinadən xəbər verir ki, bunu öz etirazında tanınmış yazıçı Səfər Alışarlı qeyd edib.
S.Alışarlı daha sonra etirazına belə davam edir: "Oturacaqlar çox pisdir, sürücü dəqiqəbaşı tormoz verir, salondakı camaat irəli axışır, oturacadakılar sürüşüb az qalır yerə yıxılsın. Marşrut xətti özünü doğrultmayan hərlənmələrlə süni şəkildə uzadılıb. O boyda maşın Badamdarda, "Elmlər"də, Bakıxanovda və "Gənclik"də darısqal küçələrdə mənasız dolanbac hərlənmələrlə camaatı bezdirir.
Marşrutun aparıcı qayəsi sərnişini lazımi yerə tez çatdırmaq olmalıdır. Bunların qayəsi şəhəri dolandırmaqla adama zülm etməkdir.
AYNA-nın yersiz marşrut islahatları...
Dia-az.İnfo bildirir ki, Səfər Alışarlının bu postu sosial şəbəkələrdə geniş müzakirə olunub. Yazıçının fikirlərini dəstəkləyən tanınmış jurnalist Rəsul Mirhəşimli olayı belə şərh edib:
""Nəqliyatın modernləşdirilməsi" adı altında belə bir üsul seçilib. Avtobus marşrutları mənasız yerə uzadılıb. Məqsəd uzaq gedib, çox pul yığmaqdı. Sərnişinlərin rahatlığı heç bir halda nəzərə alınmır. 3 nömrəli avtobusun 43 dayanacağı var, deyəsən. 199 nömrəli marşrut 28 km məsafəni 31 dayanacaqla gedib, gəlir. Halbuki marşrutlar ya metrolara yaxın yerlərə, ya da şəhərin mərkəzi ərazilərinə sərnişin daşımaqla modernləşə bilərdi".
Qeyd edək ki, Vəli adlı sosial şəbəkə istifadəçisi isə məsələyə daha sərt reaksiya verib:
"Səfər müəllim, iradlarınız yerindədir, qanana şükür. Bu dəqiqə 5 saylı avtobusdayam, zalım oğlu elə bil eşşək arabası sürür, şoferin deyəsən adam apardığından xəbəri yoxdur. Əgər tutacaqdan bərk yapışmasan ora bura çırpılıb belini-boynunu sındırarsan. Şükür bizim kəndin avtobus şoferi Məhərrəm kişiyə, adam bir dəfə də olsun camaatı narazı salmadı, hələ o avtobusda əzilən, sınan görməmişik. Hələ demirəm ki, dərəli-təpəli kənd yoludur. Buranın əksər sürücüləri eşşəkdən birbaşa avtobusa otuzdurulublar..."