Gündəm

Baş həkim  jurnalistə qarşı  gülməli   isddia  qaldırıb

MUMtv.az: - Son günlər bir çox dövlət qurumlarında mətbuat nümayəndələrinə qarşı xüsusi aqressiya formalaşıb. Buna səbəb isə dövlət qurumlarında cərəyan edən korrupsiya, yeyinti və digər qanun pozuntularının media gündəmində geniş yer almasıdır.
Maraqlıdır ki, şəxsi maraqları naminə qanunları görməzdən gələn, kobud şəkildə qanunları pozan bəzi məmurlar başqalarını, xüsusilə də onların əməllərini ifşa edən mətbuat nümayəndələrini "qanunu pozmaq"da günahlandırırlar.
Bu kimi hallarla qarşılaşan daha bir jurnalist Əfqan Bəhluloğlu 29.11.2021-vi il tarixində öz şəxsi facebook hesabında maraqlı paylaşımı ilə diqqət çəkib.
Əfqan Bəhluloğlu bildirir ki, Suraxanı rayon 24 saylı poliklinikanın baş həkimi Hacıağa Bağırov onu məhkəməyə verib. Buna səbəb isə poliklinika barəsində redaksiyaya daxil olan məlumatların dəqiqləşdirilməsi üçün Əfqan Bəhluloğlunun aidiyyəti üzrə qurumlara sorğu göndərməsi olub. İşini icra edən jurnalistin bu addımından qəzəblənən baş həkim Hacıağa Bağırov "şərəf və ləyaqətin müdafiəsi və mənəvi zərərin ödənilməsi" tələbi ilə məhkəmə iddiası qaldırıb.
Sən demə hər hansı bir dövlət qurumu, yaxud məmurun barəsində yayılan məlumatları dəqiqləşdirmək onu "təhqir etmək" hesab edilirmiş...

Daha ətraflı məlumatları təqdim edirik:

"Hörmətli həmfikirlər, dəyərli həmkarlar.
Bu yaxınlarda jurnalist sorğusuna görə Suraxanı rayonunda yerləşən 24 saylı poliklinikanın baş həkimi Hacağa Bağırov tərəfindən məhkəməyə verilmişəm. Bildirirəm ki, iddiaçı Bağırov Hacağa Müzəffər oğlu mənə qarşı “şərəf və ləyaqətin müdafiəsi və mənəvi zərərin ödənilməsi” tələbi ilə məhkəməyə müraciət edib.
Məhkəmədə dəfələrlə bildirmişəm ki, iddiaçı Bağırov Hacağa Müzəffər oğlunun iddia ərizəsində göstərdiyi hallar əsassızdır və heç bir hüquqi qüvvəsi yoxdur.
Belə ki, hər bir jurnalistin araşdırma aparmaq, sorğu vermək, informasiya almaq və yaymaq hüququ Azərbaycan Respublikasının Kütləvi İnformasiya Vasitələri Haqqında Qanunla tənzimlənir. Redaksiyaya daxil olmuş məlumatın, informasiyanın mötəbərliliyini müvafiq olaraq dövlət qurumlarına sorğular verilərək dəqiqləşdirmək Azərbaycan Respublikasının müvafiq qanunlarında nəzərdə tutulub. Əlavə olaraq redaksiayaya daxil olan informasiyanın dəqiqləşdirilməsi mümkün olmadıqda (Xüsusi bilik tələb edən işlər mövcud olduqda) dövlət qurumlarını məlumatlandırmaq jurnalistin birbaşa vəzifə borcudur.
Redaksiya tərəfindən iddiaçı Bağırov Hacağa Müzəffər oğlunun işlədiyi və baş həkim olduğu 24 saylı poliklinka ilə bağlı informasiyanın dəqiqləşdirilməsi üçün bir neçə dövlət strukturuna-Azərbaycan Respublikasının Səhiyyə Nazirliyinə, Fövqalada Hallar Nazirliyinə və Həmkarlar İttifaqları Konfedrasiyasına jurnalist sorğusu göndərmişəm. Sorğu yollamaq, araşdırma aparmaq Azərbaycan Respublikası Konstutsiyasının media mənsubu olaraq mənə verdiyi səlahiyyətdir. 24 saylı poliklinika ilə əlaqədar sorğuların iddiaçı Bağırov Hacağa Müzəffər oğlunun şərəf və ləyaqəti ilə heç bir əlaqəsi yoxdur və ola da bilməz.
Əlavə olaraq iddiaçı Bağırov Hacağa Müzəffər oğlu barəsində baş redaktoru olduğum “Mediatv.az” xəbər portalında hələ ki, heç bir material dərc olunmamışdır.
Məhkəməyə bildirmişəm ki özünü jurnalist kimi təqdim edən İlham adlı şəxsin Orxan adlı oğlu, bu sorğudan sonra mobil telefonuma zəng vuraraq, məni öldürəcəyi ilə hədələmişdir. Məni ölümlə təhdid edən
şəxsi məlumatlandıraraq səs yazısini lentə almışam və 23.11.2021-ci il tarixdə keçirilən məhkəmə prosesində hakim Rübaba Qafarovaya təqdim etmişəm.
Xatırladım ki, Azərbaycan Respublikasının Cinayət Məcəlləsinin 163.2-ci maddəsinə əsasən jurnalistin peşə fəaliyyətinə mane olmaq cinayət məsuliyyəti doğurur.
Cinayət Məcəlləsinin 163.2-ci vəzifəli şəxsin maddəsində jurnalistin peşə fəaliyyətinə mane olma, yəni zor tətbiq etməklə və ya belə zor tətbiq etmək hədəsi ilə məlumat yaymamağa və ya məlumat yaymaqdan imtinaya vadar etmə kimi göstərilmişdir.
Beləliklə, mənim peşə fəaliyyətimlə məşğul olmağımın qarşısının alınmasına yönəlmiş hərəkətlər Azərbaycan Respublikasının Cinayət Məcəlləsinin 134-cü maddəsi ilə (öldürməklə və ya sağlamlığa ağır zərər vurmaqla hədələmə) məsuliyyətinə səbəb olur.
Peşə fəaliyyətimə maneəçilik törədilməsi üçün gah ölümlə təhdid olunuram, (CM-134-cü maddə) gah da ki, baş həkim vəzifə səlahiyyətlərindən sui-istifadə edərək onun haqqında jurnalist araşdırması aparmağıma mane olmaq üçün məhkəmələrdə vaxtımı alır və bu vasitələrlə yolumdan çəkindirməyə çalışır (CM-163.2-ci maddə). Məhkəmə baxışının növbəti vaxtı 06.11.2021-ci il tarixdədir. Hakimin qanunvericiliklə qadağan olunmuş məsələləri araşdırması barədə geniş açıqlama ilə yaxın günlərdə çıxış edəcəyəm. Ümid edirəm ki, bu qondarma "iddia" Məhkəmənin ədalətli qərarı ilə layiqli qiymətini alacaq."

DogruXeber.az

Son xəbərlər

"Azərbaycan Laçın dəhlizində post quracaq" - Başqa yolu YOXDUR!

ASALA-nın təhdidini gözardı etmək olmaz: - Bakı və Ankara hərəkətə keçməlidir

Azərbaycanda karantinə götürülmə qaydası dəyişib

İbrahim Rəisi Moskvadan niyə əliboş dönüb? - İNCƏLƏMƏ...

Keçmiş deputat Eldar Mahmudova ŞİRKƏT AÇIR? - Ortada yetərincə şübhələr var...

Manat 4 əsas valyuta qarşısında BAHALAŞIB

Azərbaycanda sürətlə yayılan xəstəliklər: “Omikron” yoxsa “influenza”?

“AMEA sanki əyləncə mərkəzidir” - VİDEO

Ələt-Astara yolunda TIR qəzaya düşüb - VİDEO

Bakıda bir gündə ikinci yanğın - VİDEO

Yeni hərbi obyektlər istifadəyə verilib - VİDEO

Azərbaycan ərzaq təhlükəsizliyini necə təmin edəcək?

Parlamentdə əmək pensiyaları ilə bağlı dinləmə keçiriləcək

Sumqayıt sakini Bakıda maşın oğurlayıb aeroporta apardı

Məhbus atası Prezidentdən KÖMƏK İSTƏDİ... - MÜRACİƏT

Bakıda yarımtikilidə yanğın söndürülüb - FOTO

Hövsanda 2 000 manatlıq samovarlar oğurlanıb

Milli Məclisdə “Məşğulluq haqqında” qanunun monitorinqi aparılacaq

Sabahın hava proqnozu AÇIQLANDI

Əhməd İsmayılov kimdir və o, Azərbaycan mediasını necə idarə edəcək? –ŞOK GƏLİŞMƏ

Ermənistan geri çəkilir - VİDEO

Qiymətlər niyə artır: Hökumət əvvəlcə səbəbini tapmalıdır... - İNCƏLƏMƏ...

FHN: Ötən sutka 23 yanğına çıxış olub, 10 nəfər xilas edilib

Dünya Alimlər Kuboku Çempionatının Bakı mərhələsi keçirilir - FOTO

Diotoloqdan məsləhət: “Sərt pəhriz saxlamaq təhlükəlidir”

Ulduzlar bu gün nə deyir

12 yaşlı qıza təcavüz edən idmançının adı klubun tarixindən silindi - FOTO

Sumqayıtın zülmət içində olan GÜNDÜZÜ... - Şəhəri barmağına dolayıb...

Azərbaycanda COVID-19 xəstələrinin karantin müddəti azaldılıb

Oğuzun icra başçısının bu kənddən xəbəri varmı? - Sakinlər ÇARƏSİZ DURUMDA

Azərbaycan manatın məzənnəsini sabit saxlayacaq

Azərbaycanda inflyasiya yavaşlayacaq

Bütün xəbərlər