"MUMtv.az"  "DogruXeber.az"a  istinadən  xəbər verir ki, ADA (Azərbaycan Diplomatik Akademiyası) universiteti bu gün 16 tender müqaviləsi imzalayıb.

Belə ki, Dövlət Satınalma portalında sözügedən ali təhsil müəssisəsinin bir gündə - 12.03.2024-cü il tarixində ayrı-ayrı şirkətlərlə 16 tender bağladığı barəsində məlumat yer alıb. "Satınalma metodu" bölməsində bütün müqavilələr üçün yalnız "bir mənbə" sözü qeyd olunan müqavilələrdə fərqli məbləğlər qeyd olunub.

Məsələn, 1 ,- Plagiatlıqla mübarizə xidmətinin satınalınması üçün "TECHKNOWLEDGE GENERAL TRADING LLC (Turnitin)" ilə 20.755 (iyirmi min yeddi yüz əlli beş) AZN,
2 - Kitabxana idarəetmə və informasiya axtarış sisteminin satınalınması üçün "OCLC WorldShare Management Services" ilə 25.110 (iyirmi beş min yüz on) AZN,
3 - Media monitorinq xidməti üçün "Press-Revyu İnformasiya, Monitor Agentliyi" MMC ilə 3.960 (üç min doqquz altmış) AZN,
4 - Daşınmaz əmlakın icarəsi və idarə edilməsi üçün "Bridge Managment" MMC ilə 100.000 (yüz min) AZN,
5 - Kitabxana resurslarının satın alınması üçün "Heldermann Verlag" (Journal of Convex Analysis) ilə 380 (üç yüz səksən) AZN,
6 - Hüquq elmlərinə həsr olunmuş kitab bazası üçün "William S. HEIN & Co., Inc." İlə 5.525 (beş min beş yüz iyirmi beş) AZN,
7 - Jurnal abunəçiliyi üçün "Taylor & Francis Group" ilə 6.959, 41 (altı min doqquz yüz əlli doqquz, qırx bir) AZN,
8 - Kitabxana resurslarının satın alınması üçün "Proquest" LLC ilə 24.907,43 (iyirmi dörd min doqquz yüz yeddi, qırx üç) AZN,
9 - Akkreditasiya xidmətinin satınalınması üçün ACBSP (Accreditation Council for Business School and Programs) ilə 7.950 (yeddi min doqquz yüz əlli) AZN,
10 - Kitabxana resurslarının satın alınması üçün "Columbia University Press" ilə 586 (beş yüz səksən altı) AZN,
11 - Təhsil sərgisinin təşkili üçün "Begin Education Marketing GmbH" ilə 10.458 (on min dörd yüz əlli səkkiz) AZN,
12 - Kitabxana resurslarının satın alınması üçün "Refinitive" ilə 15.660 (on beş min altı yüz altmış) AZN,
13 - Nəqliyyat vasitələrinin servisi və təmiri üçün "Duet Avto” MMC ilə 10.000 (on min) AZN,
14 - Nəqliyyat vasitələrinin servisi və təmiri üçün “KİA MOTORS AZ” MMC ilə 7.000 (yeddi min) AZN,
15 - Nəqliyyat vasitələrinin servisi və təmiri üçün “Improtex Motors” MMM ilə 15.000 (on beş min) AZN,
16 - Xəttatlıq xidmətinin satınalınması üçün F/Ş Əsədov Yavər Şahsuvar oğlu ilə 10.000 (on min) AZN məbləğ qeyd edilib.

Gördüyünüz kimi 20-yə yaxın müqavilənin 3-nün "Nəqliyyat vasitələrinin servisi və təmiri", 4-nün "Kitabxana resurslarının satın alınması" üçün olduğu bildirilir.

Qeyd edək ki, ümumilikdə 264.250,84 (iki yüz altmış dörd min iki yüz əlli, səksən dörd) AZN xərclənəcək olan 16 müqavilənin heç biri barəsində "ətraflı məlumat" bölməsi doldurulmayıb.

P.S: Bildiririk ki, "DogruXeber.az" olaraq, haqqındakı məlumatların yerini qosqoca nida (!) əvəzləyən müqavilələr barəsində məlumat almaq üçün ADA universitetinin qaynar xətt (012 437 32 35) nömrəsi ilə əlaqə saxlamaq cəhdlərimiz nəticəsiz qaldı.

Redaksiyamız hər kəsin söz haqqını tanıyır.

DogruXeber.az