Nyu-York Universitetinin Qrossman Tibb Məktəbindən doktor Emili Conston bildirir ki, kartofun tərkibində orqanizmi enerji ilə təmin edən kompleks karbohidratlar var. Bundan əlavə, bu tərəvəzin kalorisi azdır, bu da onu pəhriz qidası üçün uyğun edir.

"MUMtv.az" xəbər verir ki, bu barədə Amerika Ürək Assosiasiyası (AHA) məlumat yayıb.

"Kartofun necə bişirilməsi çox vacibdir. Onu çox yağda qızartmayın. Daha sağlam bir seçim qaynadılmış kartof yemək olardı. Həmçinin çox duz və sous əlavə etmək tövsiyə edilmir. Bu tərəvəz orqanizmi uzun müddət enerji ilə təmin edən kompleks karbohidratlarla zəngindir. Kompleks karbohidratlar aşağı glisemik indeksə malikdirlər, yəni qan şəkəri səviyyələrində sıçrayışlara səbəb olmurlar. Bu, dolğunluq hissini qorumağa kömək edir və həddindən artıq yemək riskini azaldır", - həkim izah edib.