Gündəm

Məktəb direktorundan şəhid xanımına:  - "O, hamıya şər atır" - VİDEO

Şəhidlər müqəddəsdir, onlar bizim and yerimizdir. Onların əmanətlərinə sahib çıxmaq, adlarını uca tutmaq müqəddəs borcumuzdur.

MUMtv.az: - Biz bu sözlərlə, bu tövsiyələrlə böyüdük. 11 il orta məktəbdə bizə bu öyrədildi. Eləcə də illərdir ki, məktəblərdə müəllimlər tərəfindən bütün hər kəsə birinci növbədə bunlar aşılanır. Müəllim adının müəssisəliyi həm də insanlara lap kiçik yaşlarından müqəddəs dəyərlərimizi hər kəsə tanıtmasında, sevdirməsindədir.

Amma, nə yazıq ki, bəzən nəfs və şəxsi maraqlar o, qədər gücü müqəddəs dəyərlərimizi müəllimin özünə belə unutdura bilir.
Yox, təbii ki, bunu bütün müəllimlərə şamil etmirik, amma təəssüf ki, belə istisnalar da az deyil.

Birinci növbədə ordan başlayaq ki, illərdir məktəblərdə dəyişdirilməsi mümkün olmayan "qaydalar"dan biri şagirdlərdən müxtəlif bəhanələrlə pul yığılmasıdır. Bu qanunlara zidd olunsa da müəyyən tədbirlərdə, müxtəlif bayramlarda hələ də "mental dəyər" kimi davam etdirilir, baxmayaraq ki, mental dəyərlərimizin əksəriyyəti artıq sıradan çıxarılıb, unudulub.

Bir neçə il əvvəl məktəbli forması qaydasının məktəblərdə yenidən tətbiq olunması barəsində müzakirələrə başlanıldıqda, bütün valideynlər həm başları ilə, həm dilləri ilə bunu razılıq edərək, televiziya ekranları qarşısında oturub, az qala bu barədə danışan ekspertlərlə dialoq qururdular: "Ay sağol, Allah atana rəhmət eləsin, sovetin vaxtında eləydi, heyf deyil o, günlər? varlının-kasıbın balası seçilmirdi" kimi cümlələrlə bu qaydanın yenidən tətbiq olunması üçün ikiəlli razılıq edirdilər.

Amma, təəssüflər olsun ki, bu qayda heç də gözlənildiyi, yaxud sovetlər dönəmində olduğu kimi sərfəli olmadı. Məktəbli formalarına elə qiymət qoyuldu ki, ala bilməyən xalqın öz dili ilə desək, kasıb balaları ümumiyyətlə məktəbə gedə bilmədi. Çünki, olanını geyinib getmək ixtiyarı yox idi, məktəbli forması da baha. Üstəlik də yalnız məktəb direktorunun tövsiyyə etdiyi ünvandan alınmalı idi.

Əlqərəz...

Güya bütün bunları nəzərə alan hazırkı Elm və Təhsil naziri Emin Əmrullayev çıxışlarından birində imkansız ailələrin övladlarının onların tərəfindən məktəbli forması ilə təmin olunacağını deyib. Bu xəbərə sevinən İmişli rayon sakini, şəhid xanımı Adilə Babaşova üz tutub nəvələrinin təhsil aldığı İmişli şəhər Nizami Gəncəvi adına 2 nömrəli tam orta məktəbinə. Məktəbin direktoru Fami Fərəcov bildirib ki, "bizdən siyahı istədilər 50 uşaq adının siyahısını verdik, amma cəmi 4 dəst geyim veriblər, onun ikisini sənin nəvələrinə verəcəm." Lakin, bir neçə gün sonra verdiyi sözü danan direktor Famil müəllim xanıma aqressiv cavab verib ki, "paltar yoxdur, mən sənə söz verməmişəm".



Uzun sözün qısası, xanımın sözlərinə görə Famil müəllimin onun üstünə qışqırmasından sonra, utanıb, daha bir də geyim üçün getməyib.

Amma, bu məktəbin problemi bununla bitmir ki...

Xanımın sözlərinə görə bir neçə ailə övladını 2 nömrəli məktəbdən çıxarıb, başqa məktəbə keçiriblər ki, direktor şagirdlərin yanında nalayiq ifadələr işlədir. Xanım bunu Famil Fərəcova dedikdə, hər kəlməsində 34 ildir direktor olduğu ilə öyünən Famil müəllim rişxəndlə "5-i gedir, yerinə 50-si gəlir" deyə cavab verib.

Şəhid xanımı redaksiyamıza təkrar müraciət edərək, noyabr ayının 7-də məktəbdə keçiriləcək tədbir üçün yenə də hər şagirddən 1 manatdan pul yığılması, həmçinin şagirdlərdən həmin gün ağ köynək və ağ şalvar geyinmələri, həmçinin ağ köynəklərin arxasında şəhid şəkillərinin vurulması tələb olunur ki, təbii olaraq, bunun üçün də valideynlərdən xərc tələb olunur.

"DogruXeber.az" informasiya agentliyinin rəhbəri, eyni zamanda agentliyin tabeliyində fəaliyyət göstərən "Kanal14" YouTube kanalında canlı yayımlanan "Kamalın zamanı" proqramının aparıcısı Kamal Əsgərov elə canlı efirdə məktəbin direktoru Famil Fərəcova zəng edib, xanımın narazılıqları barəsində mövqeyini və tez-tez şagirdlərdən pul yığılması barəsində hər hansı bir açıqlamasının olmasını soruşdu.

Verilən suallara ötəri cavab verib, geyim üçün məsuliyyəti nazirliyin üzərinə yönəldirən Famil Fərəcov tələm-tələsik keçid aldı şəhid xanımı barəsində fikirlər bildirməyə.

Deyir, "O, qadın yalan danışır, şər-böhtan danışır, o, hamıya şər atır. Hələ onun barəsində başqa şeylər də bilirəm, özüm demirəm".

Tarixini, milli dəyərlərimizi, gələcəyimizi yaşadacaq olan uşaqlara bütün bunları təbliğ etməli, öyrətməli olan məktəb direktorunun Şəhid xanımı barəsində onun işlətdiyi bu ifadə izləyicilərimiz də təsdiq edər ki, birmənalı səslənmir və şəhidin yadigarı olan, atasız iki igid böyüdən qeyrətli Azərbaycan xanımı barəsində uyğunsuz fikir formalaşdırır.

Məktəb direktorunun bu cavabını efirdən izləyən xanım redaksiyamız ilə telefon əlaqə saxlayaraq, Famil Fərəcovun onun barəsindəki layiqsiz ifadəyə görə əsəbləşdiyi və səhhətində problem yarandığını bildirib.



Atalar burda deyib, "doğru deyəni 7 eldən qovublar". Tez-tez müxtəlif bəhanələrlə məktəbdə şagirdlərdən pul yığıldığını və bunu hər dəfə vermək imkanı olmadığını deyən şəxs, özü də şəhid xanımı ağzını açdı, narazılığını bildirdi, əvəzində isə məktəbin direktoru tərəfindən qanını qaraldacaq, cəmiyyət arasında adına uyğunsuz fikir yaradacaq ifadələr eşitdi.

Qeyd edək ki, bu barədə redaksiyamız tərəfindən aidiyyatı üzrə Elm və Təhsil Nazirliyinə göndərilməsi üçün sorğu hazırlanır.

Mövzuya təkrar qayıdacağıq!

Redaksiyamız hər kəsin söz haqqını tanıyır.

DogruXeber.az
Jalə Asiman


Son xəbərlər

Xırdalan Şərab Zavodunda NƏLƏR BAŞ VERİR? - İLGİNC

Doğulduq ki, yaşayaq, yaşadıq ki, yaşadaq - FOTO

İnsanabənzər robotlar üzərində araşdırma aparan azərbaycanlı

"Bakı Metropoliteni” konsert üçün müğənniyə 8 min manat verəcək – Tendersiz müqavilə

"Dedi “burada sığorta kağızı keçmir”..." - NARAZILIQ VAR...

İstirahət günü Bakıda 12 dərəcə isti olacaq

Baham adalarında qul tacirlərinin batmış donanması tapıldı - 14 gəmi, yüzlərlə kölə...

3,5 milyon yatırım, 72 iş yeri - Cəbrayılda ayaqqabı fabriki

Xankəndidə avtomat, pulemyot və qumbaralar aşkarlandı

Prezident: 10 ilə bərpaolunan enerjidən maksimum istifadə edib, daxili bazarda təbii qaz istehlakını azaltmağı planlaşdırırıq

Aşqabad Avrasiya nəqliyyat marşrutlarının yaradılması üzərində işlədiyini açıqlayıb

Hacı Şahinin vəfatından 1 il ötdü

"Danışıqların davam etdirilməsi ilə bağlı razılıq əldə edildi" - Qriqoryan

Hər bir Azərbaycan vətəndaşının 2 min 637 manat borcu var – Rəsmi

Monopolist deputatın şirkətlərinə stop qoyulub - SİYAHI

Şəmkir sakini torpağının Bələdiyyə sədri və məktəb direktoru tərəfindən zəbt olunduğunu iddia edir - ŞİKAYƏT

Neft bahalaşır: Bazarlar OPEC+-in qərarını gözləyir

Azərbaycan və Albaniya arasında iqtisadi əməkdaşlıq haqqında saziş imzalanıb

Sənədsiz evlər bələdiyyələrdə necə qeydə alınacaq? - Komitə sədri aydınlıq gətirdi

Enerji effektivliyi fondu yaradıldı (FƏRMAN)

Ceyhun Bayramov küveytli həmkarı ilə ikitərəfli əməkdaşlığı müzakirə edib

Nicat Həsənov Sabunçuya rəis təyin edildi

Prezident Aİ-nin energetika məsələləri üzrə komissarını qəbul etdi

Azərbaycanın soğan istehsalçıları yetişdirdikləri məhsulu niyə sata bilmir?

Azərbaycana idxal olunan benzin üçün aksiz vergisi kəskin azaldılıb, gömrük rüsumu ləğv edilib

Mürsəl İbrahimov daha bir rəisi işdən çıxardı

Abşerondakı yeni yaşayış məntəqəsinə qəsəbə statusu verilir

Universitet və kolleclərə sənəd qəbulu başlayıb

Ermənistan XİN: Mirzoyanın Türkiyədə ikitərəfli görüşlər keçirməsi planlaşdırılır

Abşeron rayonunun ərazisində dəyişiklik edilir

Edi Rama Azərbaycana işgüzar səfərə gəldi

“AzerGold” QSC və Ailə, Qadın və Uşaq Problemləri üzrə Dövlət Komitəsi arasında birgə əməkdaşlıq haqqında Memorandum imzalanıb

Bütün xəbərlər