Ermənistan və Rusiya Federasiyasının liderləri Moskvada keçirilən ikitərəfli görüşdə gündəlikdəki bir sıra məsələlərə toxunublar.

“MUMtv.az” xəbər verir ki, bu barədə Ria Novosti məlumat yayıb. 

Rusiya prezidenti Vladimir Putin Moskvada Ermənistanın baş naziri Nikol Paşinyanla görüşündə regionda təhlükəsizliklə bağlı məsələləri müzakirə etmək niyyətində olduğunu bildirib.

Rusiya lideri qeyd edib ki, bu məsələlər açıq müzakirə olunmayacaq, lakin bütövlükdə hər şey, o cümlədən təhlükəsizlik haqqında danışmaq imkanı var. Qalan danışıqlar bağlı qapılar arxasında aparılacaq.

Rusiya Federasiyasının prezidenti iqtisadi gündəliyə də toxunaraq qeyd edib ki, 2015-ci ildən bəri Ermənistanın Aİİ-nin qalan ölkələri ilə ticarət dövriyyəsi 14 dəfə artıb: “İkitərəfli əlaqələr də çox uğurla inkişaf edir. Beləliklə, son bir ildə iki ölkə arasında ticarət dövriyyəsinin artımı 7 milyard dollardan çox olub.“

Prezident vurğulayıb ki, Ermənistanla Rusiya Federasiyası arasında ikitərəfli ticarətdə heç vaxt belə həcm olmayıb.

Ermənistanın baş naziri də öz növbəsində görüşə görə təşəkkür edib və ümidvar olduğunu bildirib ki, bu müddət ərzində ikitərəfli münasibətlərin yığılmış mühüm məsələləri, eləcə də regiondakı vəziyyət müzakirə olunacaq.

“Sonuncu dəfə ötən ilin dekabrında görüşmüşük, o vaxtdan müzakirə edilməli olan məsələlər, əlbəttə ki, biz Şuranın (Aİİ - red.) iclası zamanı artıq müzakirə etmişik. Ümid edirəm və əminəm ki, biz ikitərəfli münasibətlərin mühüm məsələlərini, regional məsələləri müzakirə edəcəyik”.

Xatırladaq ki, mayın 8-də Rusiya paytaxtında Ali Avrasiya İqtisadi Şurasının iclası keçirilib.