“MUMtv.az” “HÜRRİYƏT” qəzetinə istinadən xəbər verir ki, İranın Fars və İlam əyalətlərində 4,2 və 4,7 bal gücündə iki zəlzələ baş verib.
İran Seysmoloji Mərkəzi məlumat verib ki, episentri Fars əyalətində olan Həşt şəhərində yerli vaxtla saat 21:43-də maqnitudası 4,2, dərinliyi 10 kilometr olan zəlzələ baş verib.

Bildirilib ki, yerli vaxtla saat 22:43-də İlam əyalətinin Murmuri şəhərində 4,7 bal gücündə zəlzələ olub.

18 kilometr dərinlikdə baş verdiyi açıqlanan ZƏLZƏLƏ Loristan və Xuzistan əyalətlərində də hiss olunub.

Zəlzələlərdə can və ya mal itkisinin olub-olmaması ilə bağlı hələlik heç bir açıqlama verilməyib.

MUMtv.az
Ulduz Talıblı