"MUMtv.az" "Vesti.ru"ya istinadən xəbər verir ki, xilasedicilər Saxalin sahillərində qopan buzlaqdan 41 balıqçını təxliyə ediblər - bütün insanlar sahilə çıxarılıb. Bu barədə Rusiya Fövqəladə Hallar Nazirliyi məlumat yayıb.

Onlar əlavə ediblər ki, xilasetmə əməliyyatı uğurla başa çatıb, bütün sahilə baxış keçirilib. Ümumilikdə 41 nəfər xilas edilib.

Bundan əvvəl Fövqəladə Hallar Nazirliyi məlumat vermişdi ki, Lesnoye kəndi yaxınlığında sahildən 1,5-2 kilometr aralıda bir neçə onlarla qış balıq ovu həvəskarının olduğu buz parçası qopub. Hadisə yerinə Xilasedicilərdən və Kiçikhəcmli Gəmilər üzrə Dövlət Müfəttişliyinin əməkdaşlarından ibarət quru dəstəsi gəlib, Mi-8 helikopteri də cəlb olunub. Xilasetmə əməliyyatı pis hava şəraiti və güclü külək səbəbindən çətinləşib.

MUMtv.az
Ulduz Talıblı