Gündəm
Gündəm / Cəmiyyət / Foto
Qaçqın şəhərciyində su kəsilib - FOTO
Qaradağ rayon Müşfiqabad qəsəbəsində su boru xəttində qəza baş verib.
"MUMtv.az" bildirir ki, Qaçqın və məcburi köçkün şəhərciyində baş verən qəza nəticəsində qəsəbəyə su verilməsi müvəqqəti olaraq dayandırılıb.
Hadisə yerinə Qaradağ rayon su-kanal idarəsinin əməkdaşları cəlb olunub. Hazırda, yaranmış problemin aradan qaldırılması üçün müvafiq işlər aparılır.
Sakinlərin sözlərinə görə partlamış borular Qaçqın və məcburi köçkün şəhərciyinin salındığı zaman çəkilib. Eyni zamanda su xətlərinin çəkilməsində keyfiyyətsiz borulardan istifadə edildiyini iddia edən əraz sakinləri, tikilən evlərin də inşasında keyfiyyətsiz materiallardan istifadə edildiyini, mənzillərin İçərisinə sərf edilən divar kağızlarının belə ucuz, keyfiyyət səviyyəsinin olduqca zəif olduğunu deyirlər.
Qeyd edək ki, sözügedən qəsəbə Qaçqın və Məcburi köçkünlərlə iş üzrə Dövlət Komitəsinin keçmiş sədri Eli Həsənovun dövründə inşa edilib. Hansı ki, Əli Həsənovun dövründə külli miqdarda yeyinti aşkar edilmişdi. Bəlli ki, qaçqın və məcburi köçkünlər üçün nəzərdə tutulmuş binaların da inşasında yeyinti halları olduğundan, bu gün orada məskunlaşan vətəndaşlar zaman-zaman bu cür problemlər yaşayırlar.
Yeri gəlmişkən, idarədən su verilişinin qısa zamanda bərpa olunacağı bildirilir
MUMtv.az
Jalə Asiman