MUMtv.az: - Qaraçuxur məscidində bayraq məsələsi ilə bağlı mən də öz fikrlərimi bildirməyi özümdə ehtiyac hiss etdim. Ən azı bir Azərbaycan vətəndaşı olaraq dövlət atirbutunun başqa məqsədlər üçün istifadə olunmasını qətiyyətlə pisləyir və qınayıram. Bayraq təmsil olunduğu ölkənin hər bir vətəndaşının şərəfi və onun qürur mənbəyidir. Məhz buna görə də onu şərəfli və uca yerlərdən asırlar. Milli-mənəvi və əxlaqi dəyərləri üstün tutan, haqqa, ədalətə, düzgünlüyə söykənən, Allaha tapınan və onun yolunu saxlayan və kəlamlarından bəhrələnən hər bir din xadimi, hər bir ağıllı insan öz dövlətinin bayrağına o cür sayğısız, yad münasibət bəsləməz. Onun içi, əxlaqı, mənəvi dünyası, heysiyyəti buna imkan verməz. Çünki, islam əxlaqı, islam mədəniyyəti və nəhayət, islami dəyərlər o qədər zəngin, o qədər qüdrətli və möhtəşəmdir ki, bu dəyərlərə sahib olan insanlar xırda işlərlə məşğul olmaz, öz şəxsi istək və maraqlarını həyata keçirmək üçün müxtəlif vasitələrə əl atmaz.
Mən çox dərinə getmək, xırda detallara varmaq istəmirəm. Bunun üçün lazımi orqanlar var. Sadəcə bir mənəviyyat adamı kimi o insanları milli-mənəvi dəyərlərimizə, dövlət atributlarıımıza hörmət etməyə çağırıram.
Allah bütün yaxşı, xeyirxah, halal, düzgün insanlara kömək olsun.

MUMtv.az
N.MƏMƏRLİ