KXDR Cənubi Koreya ilə sərhədə müxtəlif zibil və peyin torbaları yapışdırılmış 150-dən çox şar buraxıb.

"MUMtv.az" xəbər verir ki, bu barədə "Yonhap" xəbər agentliyi məlumat yayıb.

Seulun Birləşmiş Qərargah Rəislərinin məlumatına görə, ilk hava şarları mayın 28-i axşam saatlarında müşahidə edilib. Onlar bütün ölkəyə səpələnərək Cənubi Gyeongsang əyalətinə çatıblar. Hərbçilər həmçinin bildiriblər ki, balonlarda plastik butulkalar, batareyalar, ayaqqabı hissələri və peyin olan çantalar olub.

“Şimali Koreyanın bu hərəkətləri birbaşa beynəlxalq hüququ pozur və vətəndaşlarımızın təhlükəsizliyini təhdid edir. Biz Şimali Koreyanı qeyri-insani və vulqar hərəkətlərini dayandırması üçün sərt şəkildə xəbərdar edirik”, - Cənubi Koreyanın Birləşmiş Qərargah Rəisləri bəyanatında deyilir.

Agentlik xatırladır ki, mayın 26-da Pxenyan Seulun Şimali Koreyada təbliğat vərəqələri paylamasına cavab olaraq zibilləri sərhəddən keçirəcəyini vəd edib.