Gündəm
Gündəm / Cəmiyyət / Foto
Suraxanı İcra Hakimiyyəti bu cavabı ilə özünü gülünc vəziyyətə saldı - FOTO
Təqribən iki gün əvvəl "DogruXeber.az" informasiya portalında Suraxanı rayon Hövsan qəsəbəsində aparılan tikintilər barəsində məlumatlar və həmin tikintilərin görüntülərini yayımlamışdıq.
Ölkə başçısının göstərişləri Suraxanı İcra başçısına aid deyil ?... - VİDEO
Qeyd edək ki, portalımızda yayımlanan bütün məlumatlar eyni zamanda bütün sosial şəbəkə hesablarımızda da paylaşılır. Odur ki, Facebook sosial şəbəkəsində bu məlumatların şərh bölməsində aylardır sorğularımıza, eləcə də Şəhərsalma və Arxitektura Komitəsinin (ARXKOM) məktublarına susan Suraxanı rayon İcra Hakimiyyəti nəhayət ki, dilə gələrək, bir neçə cümləlik mövqe bildirib. Daha doğrusu, ona heç mövqe də demək olmaz, sadəcə bu qədər müraciət məktublarını danaraq, yaxasını məsuliyyətdən kənara çəkib və bizi qərəzli yazmaqda ittiham edib.
Əvvəlcə ARXKOM -un Suraxanı rayon İcra Hakimiyyətinə ünvanladığı məktubların redaksiyamıza göndərilən sürətinin tarixlərinə və məzmununa diqqət edin!
Fotolara diqqət !!!
Və ötən ilin oktyabr ayından bəri ilk dəfə ərazisindəki qanunsuz tikintilər barəsindəki məlumatlara reaksiya verən Suraxanı rayon İcra Hakimiyyətinin yazısına baxın!
Diqqət etdinizsə, sözügedən icra hakimiyyətinin 4 aylıq səssizliyindən sonra yenidən müraciət ünvanlaması yer alır, amma icra hakimiyyəti də yazır ki, güya bu barədə onlar ARXKOM -a müraciət ünvanlayıb.
Belə çıxır ki, ya bunu yazan məsul şəxsin idarədə nələr baş verdiyindən xəbəri yoxdur, ya da icra hakimiyyəti məsuliyyətdən yayınmaq üçün yalan danışmaq yolunu seçib.
Bizim adımız və şüarımız "DogruXeber.az"dır. Kimsə ilə qərəzimiz yoxdur. Düzü-düz, əyrini-əyri yazırıq. Yəni, bir zamanlar bir şəhid məclisində iştirak etdiyinə görə Əziz Əzizovun barəsində heç özünün də xəbəri olmadan, alqış dolu cümlələr qurub, bu addımını yüksək dəyərləndirən həmin "DogruXeber.az" informasiya portalıyıq. Qərəzli olan bu addımları görmür, hörmətli Əziz müəllim.
Şəhid Rüfət Əsgərovun "il mərasimi"ndə maraqlı anlar - FOTO
Gördüyümüzü olduğu kimi yazmaq həm peşə, həm də vicdan borcumuzdur ki, bu borcumuzu da hər gün layiqincə ödəyirik.
Qeyd edək ki, bugünə qədər yazdıqlarımız da hələ hamısı deyil. Redaksiyamıza məlumatlar gəlməkdə davam edir. Odur ki, qarşıdakı günlərdə də Suraxanı rayonu barəsində əlavə məlumatlarımız olacaq.
Diqqətiniz bizdə olsun.
Redaksiyamız hər kəsin söz haqqını tanıyır.
DogruXeber.az