Məktəbəqədər və Ümumi Təhsil üzrə Dövlət Agentliyinə direktor müavinləri təyin edilib.

"MUMtv.az" xəbər verir ki, bununla bağlı elm və təhsil naziri Emin Əmrullayev müvafiq əmrlər imzalayıb.

Əmrlərə əsasən, Nazirliyin Aparat rəhbərinin müavini Nərminə Hüseynova, Ümumi və məktəbəqədər təhsilin təşkili və idarə olunması şöbəsinin müdir müavini Orxan Abbasov, Məktəbəqədər və Ümumi Təhsil üzrə Dövlət Agentliyinə direktor müavinləri təyin olunublar.

Qeyd edək ki, bundan əvvəl Bakı Şəhəri üzrə Təhsil İdarəsinin müdiri Mehriban Vəliyeva adıçəkilən agentliyə direktor müavini təyin olunub. M.Vəliyevaya həmçinin Bakı Şəhəri üzrə Təhsil İdarəsinin müdiri vəzifəsi həvalə edilib.