Azərbaycan Qadınları Respublika Cəmiyyəti” İctimai Birliyi Abşeron Olimpiya İdman Kompleksinin qarşısında “100 ağac əkək”adlı ağacəkmə aksiyası keçirib.

Ağacəkmə aksiyası ilə bağlı Azərbaycan Qadınları Respublika Cəmiyyəti” İctimai Birliyinin sədri Bahar Qasımova Millixəbər.az-a Ulu Öndər Heydər Əliyevin həyat və fəaliyyətinə diqqət çəkərək bildirib ki, Azərbaycan xalqının Ümummilli lideri Heydər Əliyev Respublikaya rəhbərlik etdiyi bütün dövrlərdə ölkəmizdə ekoloji sabitliyin qorunması və ətraf mühitin mühafizəsi məsələlərinə xüsusi diqqət ayırmış, Bakı şəhərində və regionlarda yaşıllaşdırma işlərinə, yeni yaşıllıq sahələrinin yaradılmasına xüsusi əhəmiyyət vermişdir. Ulu Öndərin bu mütərəqqi yanaşması, ekologiyaya olan qayğı bu gün Azərbaycan Respublikasının Prezidenti, Müzəffər Ali Baş Komandan İlham Əliyev tərəfindən uğurla davam etdirilir.

Birlik sədri onu da xüsusi olaraq qeyd edib ki, ölkə Prezidenti cənab İlham Əliyevin sərəncamı ilə Ulu Öndərin 100 illik yubileyi münasibətilə 2023- cü ilin “Heydər Əliyev ili”elan edilməsi ilə bağlı,103 illik tarixi olan,10 minlərlə qadın ordusunu ətrafında birləşdirən “Azərbaycan Qadınları Respublika Cəmiyyəti” İctimai Birliyinin üzvləri il ərzində  ölkədə hər sahədə gedən inkişaf prosesində Ulu Öndərin diqqət və qayğısını qeyd etməklə, tədbirlərin keçirilməsini nəzərdə tutmuşdur.Onlardan biri ,Təşkilatın sədr müavini Vəfa Abbasovanın təşəbbüsü ilə keçirilən “100 ağac əkək” aksiyası Abşeron Olimpiya İdman Kompleksinin qarşısında uğurla həyata keçirilmişdir.

Bu şəraiti bizə yaratdığına görə Abşeron Rayon İcra Hakimiyyətinin başçısı cənab Abdin Fərzəliyevə və bütün kollektivə təşəkkürlərimizi bildiririk.
Dəvətimizi qəbul edib, aksiyada iştirak edən qonaqlara, Millət vəkilləri Müşfiq Cəfərova, Müşfiq Məmmədliyə, Abşeron İcra Hakimiyyəti başçısının birinci müavini Yusif Sadıqova, Abadlıq və Mənzil- Kommunal İdarəsinin rəisi Mehman Səfərova ,Türk iş adamı  Hakan Aktürkə ,MİRİİB-in sədri Təşkilatın Mətbuat informasiya Xidmətinin rəhbəri Zamin Zeynala ,Səhiyyə TV-nın İcraçı Direktoru Günay Kazımovaya,Vəkillər Kollegiyasının üzvü Şəfiqə Nağıyevaya, xanımlara,könüllülərə minnətdarlığımızı bildiririk.
Aksiyamız digər rayonlarda da davam etdiriləcək.