Tire Nikolsun ölümünə görə qətl törətməkdə ittiham olunan beş keçmiş Memfis polis məmuru ilk məhkəmə qarşısında özlərini təqsirli bilməyiblər.

Tadarrius Bin, Demetrius Heyli, kiçik Desmond Mills, Emmitt Martin III və Castin Smit yanvarın 7-də cənab Nikolsun həbsində iştirak ediblər.

Onlar Memfis Polis Departamentinin daxili araşdırmasından sonra işdən çıxarılıblar.

Nikolsun ölümü ABŞ-da polis zorakılığına qarşı etirazlara səbəb olub.

Hakim beş müttəhimin ikinci dərəcəli qətl, ağır hücum, ağır adam oğurluğu, məmur davranışı və məmur təzyiqi ittihamları üzrə təqsirli olmadıqlarını təsdiqləyib.

Hakim Ceyms Cons vəkillərdən öz işlərini qurarkən, səbirli olmasını istəyib.

Shelby County Cinayət Məhkəməsində vəkilləri ilə yanaşı qarşısında duran müttəhimlərə də "Bu iş bir az vaxt ala bilər. Biz sizdən bu işdə davamlı səbirli olmanızı və nəzakətli olmanızı xahiş edirik"- deyib.

Qeyd edək ki, Nikolsun ailə üzvləri də vəkilləri Ben Krumpla məhkəmədə idilər.

"MUMtv.az" BBC,-yə istinadən bildirir ki, Nikolsun anası RowVaughn Wells məhkəmədən kənarda jurnalistlərə danışıb və keçmiş məmurları şəxsən gördüyünü söyləyib.

Xanım müsahibəsində, - “Onların üzümə baxmağa belə cəsarətləri yox idi”- deyə, bildirib.

O, söz verib ki, “Oğlum üçün ədalət əldə olunana qədər hər məhkəmə iclasında iştirak edəcəm".

"Memfis və bütün dünya bu işdə doğru olanın edildiyini görməlidir və bu gec deyil, tez baş verməlidir" - deyə, baş prokuror Paul Hagerman jurnalistlərə açıqlama verib.

Kostyum geyinmiş və qara maska taxan keçmiş zabitlər qısa dinləmə zamanı vəkillərinin yanında səssizcə dayanıblar.

Təqsirləndirilən şəxslərin heç biri danışmayıb. Onların vəkilləri hakimin sualına cavab olaraq, günahsız olduqlarını təsdiqləyib.

Yanvarın 26-da Memfis polisi zorakı həbsin bədən kamerası görüntülərini nəzərdən keçirdikdən sonra məmurlar həbs edilib və nəzarətə götürülüb.

Görüntülərdə 29 yaşlı cənab Nikolsun ehtiyatsızlıqdan avtomobil idarə etdiyinə görə götürüldükdən sonra polis tərəfindən döyüldüyü üçün anasını çağırdığı eşidilir.

Ona bibər qazı vurulub, zabitlər tərəfindən təpik və yumruq zərbələri alıb və üç gün sonra xəstəxanada ölüb.

Memfis polis rəisi Cerelyn Davis, hadisənin "yalnız peşəkar uğursuzluq" deyil, "başqa bir insana qarşı əsas insanlığın uğursuzluğu" olduğunu deyib.

RowVaughn Wells əvvəllər BBC News-a demişdi ki, vacib olan günahkarların irqi deyil, qurbanın - onun bu halda oğlunun irqidir.

"Söhbət polis məmurunun rəngindən getmir. Onun qara, ağ, çəhrayı, bənövşəyi olması bizi maraqlandırmır. Onların etdikləri səhv olub".

Şiddətli həbsin nəticəsi bütün şəhərdə dalğalanmalara səbəb olub.

Bilavasitə iştirak edən beş zabitin həbsindən əlavə, daha bir neçə əməkdaş da işdən çıxarılıb və barələrində araşdırma başladılıb..

Memfisdə cinayətlə mübarizə üçün nəzərdə tutulmuş xüsusi bölmə ləğv edilib.

Keçmiş məmurlar hazırda zaminə buraxılıblar, növbəti məhkəmə prosesi mayın 1-nə təyin edilib.

Qətldə günahkar bilinsələr, onları 60 ilə qədər həbs gözləyir.

MUMtgv.az
Jalə Asiman