Dünya
Rus ordusu Suriyada 3 UŞAĞI QƏTLƏ YETİRDİ
Dogruxeber.az xəbər verir ki, Suriyada 3 nəfər uşaq Rusiyanın Hava-Kosmos Qüvvələrinin havadan endirdiyi zərbələrin qurbanı olub.
"Anadolu Agentliyi”nin məlumatına görə, Rusiya aviasiyası Suriyanın şimal-qərbində de-eskalasiya zonasındakı yaşayış məntəqələrini bombardman etməyə davam edir. Suriyanın hökumət qüvvələri və tərəfdaşları sutka ərzində İdlib vilayətindəki Xan-Şeyxun şəhərinə, Tamaniye qəsəbəsi, Salihiyyə, Kafrsecne, Madaya və Ermanaya kəndlərinə və Xama vilayətinin şimalındakı yaşayış məntəqələrinə aviazərbələr endiriblər.
Suriyanın Vətəndaş Müdafiəsi Qüvvələri İdarəsinin ("Ağ beretlilər”) məlumatına görə, avqustun 14-nə keçən gecə Rusiya aerokosmik qüvvələrinin Salihiyyə kəndinə hücumu nətivəsində üç uşaq həlak olub.
Rusiya ilə Türkiyə arasında İdlib məsələsi ilə bağlı müqavilə imzlanan gündən (17 sentyabr 2018-ci il) Suriyanın şimal-qərbini 750 min dinc sakin tərk edib.
Hüquq müdafiəçilərinin informasiyasına görə, cari il 26 aprel-27 iyul tarixləri arasındakı dövrdə İdlib zonasında 781 insan atışmaların qurbanı olub. Onların arasında 140 nəfər qadın və 208 nəfər uşaq var. Bunun əsas səbəblərindən biri İdlibdəki silahlı müxaliflərin yaşayış məntəqələrində məskən salmalarıdır.
Hurriyyet.org