mumtv.az
mumtv.az

Camaat 10 milyonu yeyir heç zad olmur, sən tutmusan ki, 10 min belə getdi." - Prorektordan şübhə doğuran cavab...

Camaat 10 milyonu yeyir heç zad olmur, sən tutmusan ki, 10 min belə getdi.
18-06-2021, 10:48 325 dəfə baxılıb

Camaat 10 milyonu yeyir heç zad olmur, sən tutmusan ki, 10 min belə getdi.

DogruXeber.az: - Son günlər media gündəmində məşhur olan adlardan biri də Bakı Slavyan Universitetinin (BSU) rektoru Nurlana Əliyevadır.

Hansı ki, adı korrupsiya faktları ilə yanaşı çəkilən xanımın çox keçmədi ki, elə bu qalmaqallı söhbətlərinə daha yeni biri də əlavə olundu.
Demək, saytlardan birinin "qayğıkeş rəhbər, ağbirçək ana" adlandırdığı Nurlana xanım Əliyevanın sosial media nümayəndələrindən birinə müsahibə verərkən istifadə etdiyi təhqiramiz ifadələri gündəmdə yeni partlayışa səbəb oldu.

Yüzlərlə gəncin təhsil aldığı müəssisəyə rəhbərlik edən xanıma, rəhbərə yaraşmayan ifadələrlə müsahibə verən Nurlana xanım Əliyeva mətbuatla bu cür danışmağı yəqin qudası Hadı Rəcəblidən öyrənib. Hansı ki, Hadı müəllim də Bilgəhdəki "See Breza" restoranında nəvəsinə toy edən vaxtı mövqeyini öyrənmək istəyən jurnalistlərə verdiyi cavablar da o zamanların gündəm mövzusu idi.

M.Ə.Sabir adına pedaqoji kolleci də daxil olmaqla, digər müəssisələrdə uzun illər rəhbər vəzifələrdə çalışan xanım professor KİV haqqında bilməli olduğu qanunlardan hələ də məlumatsızdır.

Maddə 8. Kütləvi informasiya vasitələrinin məlumat almaq hüququ

Məlumatın əldə edilməsi barədə yazılı sorğuya Azərbaycan Respublikasının qanunvericiliyi ilə müəyyənləşdirilmiş qaydada və müddətdə baxılır. Qanunda göstərilən müddətdə həmin məlumat öz operativliyini itirərsə, sorğuya dərhal, bu mümkün olmadıqda isə 24 saatdan gec olmayaraq cavab verilməlidir.

Əslində KİV haqqında qanunun 8-ci maddəsini bir daha xatırlatmaqda sözümüzün canı var.

Bu aralar media gündəmində tez-tez qabardılan məsələlərdən biri də tender məsələsidir.

Hansı ki, bir çox qurumlar "tender" adı altında Dövlət büdcəsini talan ediblər. Bu cür qurumlardan bir neçəsinin iç üzü artıq meydana çıxıb və içtimailəşdirilib də.

"DogruXeber.az" İnformasiya agentliyinin redaksiyasına bu cür "tender"lərdən birinin də BSU universiteti ilə "AZEDUNET"MMC arasında baş tutması barəsində məlumat daxil olub.

Daxil olan məlumatda bildirilir ki, 07.05.2021-ci il tarixdə BSU-i katirovka sorğusu baş tutmadan, "AZEDUNET" MMC ilə internet xidmətiylə bağlı 9.440 (doqquz min dörd yüz qırx) azn məbləğində müqavilə imzalanıb.

Biz də sözügedən məlumatla bağlı yaranmış suallarımızı cavablandırması üçün BSU-nin prorektoru Nurəddin müəllim ilə əlaqə saxladıq.

Nurəddin müəllimə telefon açıb, özümüzü təqdim etdikdən sonra redaksiyamıza daxil olmuş məlumat barəsində qısaca bildirib, mövqeyini soruşduq.

Nurəddin müəllim cavab verdi ki:
- "Mən xəstəyəm, işə çıxmıram. Hə onunla bağlı məlumatım var, deyəsən nazirliyə məktubla ediblər."

Biz:
- "O zaman biz müvafiq addımlarımızı ataqmı?"

Nurəddin müəllim daha da özündən çıxaraq aqressiv şəkildə danışmağa başladı:
- "Mən sizə heç nə məsləhət vermirəm. Deyirəm xəstəyəm. Ölürəm. Nə addım atacaqsan? Camaat 10 milyonu yeyir heç zad olmur, sən tutmusan ki, 10 min belə getdi."

Nurəddin müəllimin əməkdaşımızla aqressiv dialoqu onu göstərdi ki, Nurlana xanımın rəhbərlik etdiyi müəssisənin əksər məsul işçiləri də mətbuata qarşı eyni münasibətdədirlər.

Bu cür aqressiv, hətta sözün əsl mənasında kobud davranışından sonra Nurəddin müəllimin diqqətinə çatdırdıq ki, redaksiyamızda bütün danışıqlar qeydə alınır.

Nurəddin müəllim bu dəfə mülayim şəkildə gülərək:
"Mən nə dedim ki, sizə. Söyüş söymədim, bir şey eləmədim" - deyə cavab verdi.

Sən demə Nurəddin müəllim mülayim də danışa bilirmiş...

Beləcə Nurəddin müəllim ilə söhbətimizi bitirib, ardınca Nurlana xanım Əliyevanın telefon nömrəsini yığdıq. Telefonu götürdükdə özümüzü təqdim edən kimi xanım "sonra danışarıq, başqa yerdəyəm" - deyib telefonu söndürdü.

Bundan sonra növbəti addımımız BSU-nin elektron poçtuna 25.05.2021-ci il tarixində rəsmi sorğu göndərmək oldu.
Rəsmi sorğumuzda ünvanınladığımız:

1. Bakı Slavyan Universitetinin "AZEDUNET” MMC ilə İnternet xidmətləri üzrə müqaviləni müvafiq kotirovka sorğusu baş tutmadan bağlaması haqqında məlumat nə dərəcədə doğrudur?
Əgər doğrudursa, hansı zərurətdən yaranıb və nə dərəcədə qanuna müvafiqdir?

2. Bakı Slavyan Universitetinin bu tələbat və satınalmalarda bir mənbədən istifadə edilməsinin səbəbini "Dövlət satınalma portalı”nda göstərməməsinin səbəbi nədir?

3. "AZEDUNET" MMC -nin texnoloji işlərdə təcrübəsi, potensialı, texniki və digər lazımı imkanları haqqında hansı məlumatlarınız var?

4. "AZEDUNET" MMC-nin son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatı və maliyyə vəziyyəti haqqında müvafiq bank arayışı varmı?

5. "AZEDUNET" MMC-nin müvafiq xidmətlər üzrə uyğunluq sertifikatları (Yaxud Lisenziyası) varmı, varsa hansı qurumlardan alınıb? – suallarımız isə bu günə qədər də cavablandırmayıb.

Hansı ki, biz sorğunu göndərdikdən dərhal sonra rektorun köməkçisi ilə telefon əlaqəsi saxlayıb, elektron poçta sorğu göndərdiyimiz barədə məlumat vermişdik. Köməkçi bizimlə danışarkən kompüter önündə olduğunu və göndərdiyimiz sorğunu artıq gördüyünü də bildirmişdi.

Lakin, sözügedən təhsil müəssisəsinin səlahiyyətli şəxslərinin sorğumuzu cavablandırmamaları müxtəlif fikirlərin yaranmasına səbəb olmuşdur.

Sorğumuzun cavablandırılmaması elə Nurlana xanım Əliyevanın məntiqi ilə düşünsək, redaksiyamıza daxil olan məlumatın həqiqət olduğunu hesab etmək olar.

Redaksiyamız hər kəsin söz haqqını tanıyır.

DogruXeber.az






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA