Gündəm

Bu göz klinikasında rüşvəti yığanlar və mənimsəyənlər...

Rüşvət !
Imam Cəfər Sadiq (ə) Əmmar ibn Mərvan adlı səhabəsinə buyurub: “Ey Əmmar, rüşvətə gəlincə, bil ki, hökmlərdə rüşvət vermək əzəmətli Allaha və Onun Peyğəmbərinə qarşı küfrdür”. (Burada “hökmlərdə rüşvət vermək” ifadəsinin mənası hökm çıxaran zaman qazıya (hakimə) rüşvət verməkdir) (Şeyx Səduq. Məaniyyül-əxbar, səh. 211; həmçinin bax: Şeyx Küleyni. Əl-Kafi, VII, 409).

Şəhid !
«Cənnətə daxil olan heç kəs, hətta bütün dünyanın nemətləri ona verilsə belə, cənnətdən çıxıb bir daha bu dünyaya qayıtmaq istəməz. Yalnız şəhid Allahdan o qədər mükafat görər ki, (bunların əvəzini vermək üçün) 10 dəfə dünyaya qayıdıb öldürülməyi arzu edər».

Öz rüşvətxor əməllərini ört-basdır etmək üçün şəhid adından istifadə etmək barədə fikirləri isə hörmətli izləyicilərimizə buraxırıq.

Amma, əvvəlcə bu cümləni niyə qeyd etdiyimizə aydınlıq gətirək ki, hər hansı bir fikir yürütməyinizə qismən kömək etmiş olaq.

"DogruXeber.az" olaraq ötən həftə Samux rayon Qarayeri qəsəbə sakini Əjdər Məmmədovun redaksiyamıza müraciətini təqdim etmişdik.

O, müraciətində bildirirdi ki, həyat yoldaşı Gülxanım Məmmədova anadangəlmə gözdən əlildir. İllərdir buna görə pensiya alırdı, lakin, respublika üzrə çox insanların əlilliyi kəsiləndə, Gülxanım Məmmədovanın da əlilliyi kəsilib. Əlilliyin yenidən bərpa olunması üçün bir neçə dəfə cəhd etsələr də imtina cavabı gəlib. Belə olan halda tanış bir vasitəçi ona, sözügedən səhiyyə müəssisəndə çalışan və bu işdə kömək edə biləcək bir tibb işçisini tanıdığını deyib.

Ötən (may) ayın 20-də Oftalmologiya Mərkəzində olan Əjdər Məmmədov, həyat yoldaşı Gülxanım Məmmədova ilə birlikdə vasitəçinin tanış etdiyi tibb işçisi Gülnar Həsənova ilə görüşdüklərini və ona əvvəlcədən vəd olunmuş 1800 (min səkkiz yüz) AZN pul verdiklərini deyir.

Bizə göndərilən səs yazılarında da aydın görünür ki, Gülnar Həsənova əminliklə Gülxanım Məmmədovaya ona pensiya təyin olunacağı vədini verir.

Lakin, zamanı yetişdiyində Gülxanım Məmmədovaya Reabilitasiya mərkəzindən imtina cavabı verilməsi, ailənin təəccübünə səbəb olub.

Həmçinin Əjdər Məmmədov qeyd edirdi ki, o, yenidən Gülnar Həsənova ilə telefon əlaqəsi saxlayıb, imtina cavabının səbəbini soruşub. Gülnar xanım isə, - "siz aparatlardan keçəndə pul köçürməli idiniz, niyə köçürməmisiniz? Ona görə kəsiblər. Nərminə Hümbətova kəsib sizi" deyə cavab verib.

Qeyd edək ki, vətəndaş Əjdər Məmmədovun müraciəti ilə bağlı Zərifə Əliyeva adına Oftalmologiya Mərkəzinin mətbuat xidmətinin rəhbəri Yazgül Abdıyeva ilə telefon əlaqəsi saxladıq. Yazgül xanım məsələni aydınlaşdırmaq üçün onu mərkəzə dəvət etdi. Bildirdi ki, - "Vətəndaşı göndərin, gəlsin baş həkimin yanına, aydınlaşdıraq."

Elə həmin gün Əjdər Məmmədov sözügedən göz klinikasına gedib və baş həkim Aygün xanım Məmmədbəylinın iş otağında olub.

Əjdər Məmmədov bildirir ki, "Aygün xanım bizdən pul alan Gülnar Həsənovanı da çağırdı. Gülnar xanım məni görəndə hər şeyi boynundan atdı, özünü tanımamazlığa vurdu. Mən telefonumda olan səs yazısını qoşdum, ondan sonra Aygün xanım Gülnar xanımı danladı ki, "bu sənin səsindir də". Sonra da Aygün xanım əsəbi halda, "bizim adımızı niyə verirsən? Ayıb olsun sənə", deyə, Gülnar xanımı tənbehlədi."

Baş həkimin əsəbi halda Gülnar Həsənovaya dediyi bu ifadə sizcə də ikibaşlı deyilmi?

Bundan əlavə, direktor Elmar Qasımovun və baş həkim Aygün Məmmədbəylinin rəhbərlik etdikləri müəssisədə çalışan tibb işçilərinin "müştərilərə" (Pasientlər) açıq-aşkar (Əjdər Məmmədovun iddiasına görə) "sən bizə pensiya üçün adamlar tap gətir, hərəsindən 100 manat da sənə qalsın" demələri rəhbər şəxslərin işçilərinə verdikləri aşırı "sərbəstliyin" göstəricisi deyilmi ?

İşin daha da qəribə olan tərəfi, vətəndaşın məhz Gülnar Həsənovanın adını çəkdiyinə görə Gülnar Həsənovanın "sudan quru çıxmaq" üçün təkbaşına çırpınışları, müəssisə rəhbərlərinin isə öz səssizliklərinə çəkilmələridir.

Kimsəyə sirr deyil ki, Sosial şəbəkələrdə və sosial mediada Zərifə Əliyeva adına göz klinikasında bütün müayinələr üçün vətəndaşlardan pul tələb edildiyi barəsində məlumatlar kifayət qədərdir. Elə şikayətçi Əjdər Məmmədov da qeyd edirdi ki, - "Bizə dedilər "aparatlara əlavə pul ödəmədiyinizə görə sizi kəsiblər".

Bu tibb müəssisəsində korrupsiya tüğyan edir

Jurnalistdən rüşvət tələb olunan müəssisənin rəhbərindən maraqlı teleqram ...

Xatırladaq ki, redaksiyamızın əməkdaşları da sözügedən klinikada müayinə edilərkən, onlardan hər aparatla müayinə üçün 30 (otuz) manat pul tələb edilmişdi. Doğrudur, o, zamanlar indikindən fərqli olaraq, baş həkim Səbinə Məcidova idi. Amma, direktor taa 2006-cı ildən bugünə qədər də tibb sahəsində bir çox titullara sahib olan Elmar Qasımovdur.

Demək ki, müəssisədə dəyişən təkcə baş həkimdir. Fəaliyyətin isə uzun illər olduğu qaydada (qanunsuz ödənişlərlə) davam etdirilməsi, hörmətli Elmar Qasımovun öz "vərdişlər"inəmi deyək, "iş prinsipləri"nəmi deyək "sədaqət"inin təzahürüdür.

Yuxarıda şəhid barəsində vurğuladığımız cümləyə gəldikdə isə, xatırlatma üçün qeyd edək ki, adı çəkilən Gülnar Həsənovanın mövqeyini öyrənmək üçün zəng etdiyimizi və ardından dərhal sonra həyat yoldaşının agentliyimizin rəhbəri Kamal Əsgərova zəng edərək, "Həyat yoldaşıma niyə zəng etmisiniz? Qayda var, qanun var" deyə, özünü qanunları yaxşı bilən biri kimi göstərdiyini, eləcə də bizi qanunlarla təhdid etməyə çalışdığını ötən yazımızda bildirmişdik.

Bu tibb müəssisəsində rüşvət faktı - VİDEO

Lakin, təəssüflə deməliyik ki, xanımın həyat yoldaşının bu "fədakarlığı" heç də gözlədikləri nəticəni vermədi.

"DogruXeber.az" olaraq, qanunun da tələb etdiyi kimi, vətəndaş Əjdər Məmmədovun müraciəti əsasında, aidiyyatı qurumlara rəsmi sorğular göndərdik. Aidiyyatı qurumlar sorğularımızı hələ cavablandırmasalar da, deyəsən artıq Gülnar Həsənovanı həyəcanlandıracaq addımlar atıblar. Ya da xanım məsələnin artıq , tərəfimizdən ictimailəşdirilməsindən narahat olub.

Əjdər Məmmədov redaksiyamıza bildirib ki, şəhid qızı olduğunu deyən Gülnar Həsənova özünə Gəncə şəhərində yaşayan şəhid ailələrindən ibarət tərəfdarlar toplayaraq, şikayətini geri götürməsi üçün ona mənəvi təzyiqlər etməyə çalışıb. Hətta, o, tərəfdarlar arasında din adamının da olduğunu deyir.

Görünür, xanım haram işə əl atarkən, rüşvət alarkən yadına düşməyən şəhid adından və dindən "qalxan" kimi istifadə etməyə çalışır.

Bəli, Şəhidin Allah dərgahındakı hörməti ilə, tanrının rüşvətə münasibətini mövzunun girişində məhz bunun üçün Yaradanın göndərdiyi ayələrlə və müqəddəs kitabın cümlələri ilə vurğuladıq.

Mövzunu davam etdirəcəyik...

Redaksiyamız hər kəsin söz haqqını tanıyır.

DogruXeber.az



Son xəbərlər

Məhkəmə hakimi Əhliman müəllim qardaşı oğlu Mehman Xıdırova himayədarlıq edir -QANUNSUZLUQ ?/FOTO

Fikrət Məmmədovun qızı YAP-ın siyahısında parlamentə gedir

Bağça müəllimləri üçün sınaq imtahanı keçiriləcək

TƏHSİL NAZİRLİYİNİN SAMİR VƏLİYEV KABUSU

İcra başçısının oğlu deputat olmaq istəyir - Firdovsi Əliyev bütün gücünü səfərbər edib

İran nüvə sazişini bərpa etmək istəyir

Ermənistan tərəfi yenidən görüş təklif etdi

“AzerGold” QSC tərəfindən ucqar Çovdar kəndində içməli su təminatı yaxşılaşdırılıb

Təhlükə Azərbaycan sərhədinə çatdı - İrandan BƏLA GƏLİR

Bu tarixdən internet bahalaşır — Yeni qiymət

“Cavanşir” körpüsünün söküldüyü ərazidən - Son görüntülər

Seçkiyə gedəsi olmadılar – MUSAVATIN 34 NAMİZƏDİNİ ÇIXILMAZ DURUMA SALDILAR

İlham Əliyev Viktor Orban və Viola Amher ilə söhbət etdi

Paşinyan İlham Əliyevlə görüşdən QAÇDI

Yeni monitorlar cərimə yazır? - DİN-dən AÇIQLAMA

YAP-ın deputatlığa namizədi külli miqdarda borc içindədir – İLGİNC FAKT

Məcnun Məmmədovun işçisi Salyanda “PAMBIQLA BAŞ KƏSİR”… – NARAZILIQ VAR…

Məhkəmə həbsdə ölən sabiq icra başçısının 600 minlik əmlakı ilə bağlı QƏRAR VERDİ

Səyahətlərinizdə diqqətli olmalısınız - BÜRCLƏR

İlham Əliyev Böyük Britaniyaya getdi

“Azərenerji” də Üzeyir Yusifov problemi – İdarə rəsinin əməlləri rəhbərliyi hədəfə gətirib

Rəqs etmək beyin üçün faydalıdır

222 nəfərə fəlsəfə və elmlər doktoru elmi dərəcəsi verilib

Avropa Liqası: "Zirə" "Şerif"ə qarşı

YAP-ın biznesmen namizədləri – Tikinti sektoru, taxta-şalban deposu, topdan və pərakəndə satış mərkəzləri…

Az qala Bakının yarısını İŞĞAL EDİB… pulunu qoymağa yer tapmır… – İNDİ DƏ MANDAT DAVASINA ÇIXIB…

Sən demə, onların korrupsoner əməllərindən rəhbərliyin xəbəri əvvəldən varmış - Bağça müdiri özü etiraf edir // VİDEO

Bayden koronavirusa yoluxdu

Yollarda yeni növ radarlar quraşdırılır

Elnur Əliyevlə Vüsal Xanlarovun təsisçisi olduğu MMC-lər Təhsil İnstitutunun təlimlərini keçir, yoxsa… – BU NƏDİ BELƏ?!

“AzerGold” QSC tərəfindən Daşkəsəndə növbəti vətəndaş qəbulu keçirilib

Şəxsiyyət vəsiqəsi ilə bağlı yenilik

Bütün xəbərlər