Alimlərin proqnozlarına görə, yanvarın 31-nə keçən gecə Yer kürəsini 8 bal gücündə geomaqnit qasırğası vurub. Belə bir radiasiya fırtınası radio, mobil və internet rabitəsinə ciddi müdaxilələrə və elektron cihazların nasazlığına səbəb ola bilər.

"MUMtv.az" xəbər verir ki, bu barədə Tsargrad.tv Günəş Astronomiya Laboratoriyasına istinadən yazır.

Artan günəş aktivliyinin müddəti bir saatdan çox olub. Bununla belə, mütəxəssislər əlavə ediblər ki, hücumun təsiri Günəşin fırlanması ilə yumşalacaq və radiasiya zərbəsi Yerə ancaq tangensial şəkildə dəyəcək.

Bəzi ekspertlər ürək və qan-damar problemi olan insanların maqnit qasırğalarına xüsusilə həssas olduğuna inanırlar. Belə günlərdə onlar miqrendən əziyyət çəkə və özlərini zəif hiss edə bilərlər. Digər ekspertlər maqnit qasırğalarının insan vəziyyətinə təsiri nəzəriyyəsini rədd edirlər.

Üstəlik, Günəş Astronomiya Laboratoriyasının proqnozuna görə, artıq fevralın birinci yarısında geomaqnit dalğalanmaları cəmi iki bal səviyyəsində olacaq. Belə günəş fırtınaları diqqətdən kənarda qalır.