Günəşdən gələn sürətli plazma dalğasının avqustun 3-ü çərşənbə günü Yerə dəyəcəyi açıqlanıb. Bu vəziyyətin Yerin maqnit sahəsinə təsir edəcəyi bildirilir.

"MUMtv.az" xəbər verir ki, mütəxəssislər qasırğanı "G1 sinfi" olaraq təsnif ediblər.

Bu sinifdəki fırtınalar tez-tez "potensial dağıdıcı" kimi təsvir olunur. Çünki o, elektrik şəbəkələrində nisbətən zəif dalğalanmalar yarada bilər, peyklərin funksiyalarına təsir edir və köç edən heyvanların naviqasiya qabiliyyətini zəiflədə bilər.

ABŞ Milli Okean və Atmosfer Administrasiyasının məlumatına görə, "qazlı materialın Günəş atmosferinin cənubundakı bir dəlikdən axdığı müşahidə edilib". Bu proqnozlardan sonra mütəxəssislər fırtına xəbərdarlığı edib.

Günəş atmosferindəki tac adlanan bu dəliklər ulduzun plazmasının nisbətən soyuq və seyrək olduğu sahələrdir. Həm də Günəşin maqnit sahəsinin xətlərinin kosmosa yayıldığı yer. San-Fransiskodakı elm muzeyi Exploratoriumun mütəxəssislərinin fikrincə, bu, Günəşdən gələn materialın saatda 2,9 milyon kilometr sürətlə planetlərə doğru atılmasına səbəb olur.

Bu plazmalar Yerin maqnit sahəsi ilə qarşılıqlı əlaqədə olduqda və maqnitosferdə müvəqqəti pozğunluqlara səbəb olduqda onlara günəş tufanları deyilir. Fırtınalar peyklərə, GPS sistemlərinə və elektron cihazlara pis təsir etsə də, Yerin maqnit sahəsi ilə qarşılıqlı təsiri sayəsində auroralar yaradaraq Şimal yarımkürəsinin yüksək enliklərində vizual şənlik yarada bilir. Astronomlar Günəşdəki partlayışların tədricən artacağını və bir neçə ildən sonra pik həddinə çatacağını bildirirlər.

Çünki Günəş hazırda hərəkət mərhələsindədir. Ulduz hər 11 ildən bir sakit və ya fırtınalı dövrü tamamlayır və yeni bir dövrə başlayır. Məlumdur ki, Günəş 2019-cu ildə 25-ci dövrünə qədəm qoyub.

Bu dövrələrdən sakit olanı, yəni ulduzdakı partlayışların və ləkələrin minimum səviyyəyə endiyi dövrlər “günəş minimumu” adlanır . Günəş ləkələrinin artdığı və partlayışların tez-tez baş verdiyi fazalara "günəş maksimumu" deyilir .

Mütəxəssislərin fikrincə, ulduz hazırda aktiv dövrünü yaşayır. Ancaq 2022-ci ilin başlanğıcında olduğu üçün çox şiddətli hadisələrin şahidi olmayacağı düşünülür. 2025-ci ildə isə günəşin maksimum fazası öz zirvəsinə çatacaq. Bu səbəbdən, xüsusilə 2025-ci il ətrafında güclü partlayışların Yerə təsir edəcəyi gözlənilir.