"Ukrayna Rusiyanın ona ödəyəcəyi təzminat olmadan sülh sazişi imzalamayacaq".

"MUMtv.az" xəbər verir ki, bunu Ukrayna ədliyyə nazirinin müavini İrina Mudra deyib.

Onun bu bəyənatı Rusiyanın media ekspert icmasında  kifayət qədər geniş əks-səda doğurub. Səslənən əsas fikirləri təqdim edirik. 

Bir qrup ekspert qeyd edir ki, Kiyev məsələni bu işə götürsə, Ukrayna özü Rusiyaya təzminat ödəməlidir. Bununla belə, sual olunur ki, Ukrayna bu kompensasiyanı ödəmək üçün pulu haradan alacaq? Çətin ki, ABŞ və Avropa İttifaqı buna pul ayırsın. Bir variant qalıb: Ukrayna bu təzminatı ərazilərə görə ödəməlidir, məsələn, Nikolayev və Odessa marzeləri. Həmin açıqlamaya açıq-aşkar yumor və istehza ilə reaksiya verən ekspertlər də var ki, atılan Rusiya mərmiləri və raketlərinin üzərinə sadəcə olaraq “təzminat” sözünü yazıb Ukrayna silahlı qüvvələri istiqamətində atmaq olar.

Başqa bir fikrə görə, Ukrayna həddən artıq tələsir, çünki beynəlxalq hüquqa görə, təzminat məğlub olan tərəf tərəfindən ödənilir və Rusiya müharibədə mütləq uduzmayacaq. Bəzi ekspertlər yüksək rütbəli bir ukraynalı məmurun bəyanatında müəyyən “ticarətə başlamaq” impulsları görür və Kiyev hakimiyyətinin bu ticarətə kiminlə başlamağa qərar verdiyi sualını qaldırır. Maraqlıdır ki, Rusiyanın media ekspert icmasında belə bir mövqe var ki, Rusiyada heç bir siyasətçi belə “intihar” etməyəcək və heç vaxt kapitulyasiya və Ukraynaya təzminat ödəmək öhdəliyini qəbul etməyəcək, hətta ən ifrat addım atmaq lazım olsa belə. Çünki bu, Rusiya Federasiyasının sonu demək olardı.