Gündəm
Gündəm / Cəmiyyət / Sosial
Ən böyük hakim Allahdır ! - Qalanı təfərrüat
Ən böyük hakim Allahdır.
Bu ifadə bütün insanlara çağırış olmaqla yanaşı, hakim kürsüsündə əyləşənlərə də bir tövsiyyədir.
Bu o, deməkdir ki, ədalət yaradanın əmridir. Sizin verdiyiniz qərar nə olursa-olsun, ədaləti bərpa edən edəcək. Siz isə verdiyiniz bütün ədalətsiz qərarlar üçün bir gün cavab verəcəksiniz.
Yox, axirəti nəzərdə tutmuruq, elə bu dünyada cavab verəcəksiniz. Anlamaq üçün çox düşünməyə gərək yoxdur, ötən ilin aprel ayını yadınıza salın, nə demək istədiyimizi anlamış olacaqsınız.
Azərbaycan Hakimiyyəti bu ayrıseçkilik prinsiplərini nəvaxta qədər davam etdirəcək?
Hakim kürsüsünə gedən "ASAN" yol - Hələ çox şeylər görəcəyik...
Orxan Xəqani oğlu Həsənov.
1 saylı Bakı inzibati-iqtisadi məhkəməsində hakim kürsüsündə əyləşən bu adam Asan xidmətdəki kürsüsündən "qeyri-adi sıçrayış"la birbaşa hakım kürsüsünə düşüb. Hər davranışından, hər kəlməsindən təcrübəsizlik yağan bu gənc haqqında internet üzərindən balaca bir araşdırma edəndə, barəsindəki vətəndaş şikayətlərindən məlum olur ki, o heç təcrübə toplamaq üçün çalışmayıb da.
Belə çıxır ki, bu adam hazır tapşırılmış qərarları sadəcə səsləndirdiyi üçün, işini öyrənmək lazım olmayıb.
Yeri gəlmişkən, təqribən iki həftə əvvəl, "DogruXeber.az" MMC-nin Medianın İnkişafı (əleyhinə ) Agentliyi barəsində qaldırdığı məhkəmə iddiasında, 6 ay sürən"baxış məhkəməsi"ndən sonra, bizi evə göndərib, arxamızca qərar verdiyini izləyicilərimizin diqqətinə çatdırmışdıq.
Təsəvvür edirsinizmi, qəbul edilən məhkəmə qərarı hələ də bizə göndərilməyib?!
Bununla bağlı ötən həftənin cümə günü Orxan Həsənovun mobil telefonuna zəng etdik. Telefona cavab verən xanım bildirdi ki, qərar hələ (iki həftə keçdiyinə baxmayaraq) hazır deyil.
Ötən gün isə zəng etdiyimizdə, telefona cavab verən Nigar Sadıqova adlı xanım, 1-2 dəqiqəlik telefon danışığımızda 3-4 fərqli cavab verdi.
Gah, "poçt vasitəsilə göndərmişik 3 günə", gah "5 günə", gah da "15 günə gələcək" deyə biri-birindən fərqli cavablar verdi. Qeyd edək ki, xanımın cavabı kimi, Orxan Həsənovun telefonuna cavab verən xanımlar da tez-tez dəyişir. Hər zəngimizdə bir başqa xanım cavab verir.
Orxan Həsənovun müxtəlif cavablarla bu qədər vaxt qazanmağa çalışması da bizdə müəyyən şübhələr doğurur. Düşünürük, yəqin bu təcrübəsiz gənc oğlan qərarı yazdırmaq üçün təcrübəli hakim axtarır. Qınamalı da deyil, "ASAN" xidmət hara, hakim kürsüsü hara...
Qeyd edək ki, mövzu burda bitmədi, dedikləri müddət(lər)i də gözləyək, görək nə olur...
Redaksiyamız hər kəsin söz haqqını tanıyır.
DogruXeber.az