Ölkəmiz bizim evimiz, paytaxt Bakı da "evimizin qonaq otağı"dır.
MUMtv.az: - Yəni, ölkəmizə gələn turistlərin, ümumiyyətlə xarici qonaqların demək olar ki, hamısının ilk düşdüyü yer Bakıdır. Düzdür, şükürlər olsun çox gözəl bölgələrimiz var ki, oralara da xarici turist axınları var. Amma, bütün hallarda yol Bakıdan keçir. Onların da əsas göründüyü yerlər "tarqovu" deyilən mərkəz ərazi və İçərişəhərdir.

Yəqin, elə buna görədir ki, Bakı şəhər İcra Hakimiyyəti əsas diqqəti həmin əraziyə yönləndirib. Amma, düşünmək lazımdır ki, gələn qonaqlar məhz orada təmizlik, gözəllik gördükləri üçün hərlənib-fırlanıb ora qayıdırlar. Məsələn, gələn qonaq bunu görürsə, ikinci dəfə Xırdalana gedərmi?



"DogruXeber.az" bildirir ki, bura Xırdalan şəhəri, Əvəz Şəfiyev küçəsinin Heydər Əliyev prospekti tərəfindən girişidir. Elə "Heydər Parkı"ndan baxanda da aydınca görünür.

Bura isə, "Təmiz Binəqədi"nin Xocahəsən qəsəbəsidir. Sədərək yolunun üstü. Bazar istiqamətində gedəndə yolun sağında qalır.













Yeri gəlmişkən, yuxarıda bir yolu qeyd etməmiz I demək deyil ki, söhbət təkcə o yoldan gedir. Doğrusunu desək, el demişkən, Xocahəsənin "ayıbını örtən" yol boyu tikilən iaşə obyektləridir. O obyektlərin arxasında, yaşayış ərazisindəki "yaşayış"ı təsəvvür etmək belə adamın ürəyini bulandırır.

Çirkab, üfunət qoxusu, hasarlar boyu zibil atanların ünvanına yazılmış söyuşlər və o yazıların altındakı zibillər, üstəlik də kol-kos, tikan....

Hörmətli, Binəqədi və Abşeron rayon icra hakimiyyətləri, rayonun adının qarşısına "təmiz" sözünü artırmaq, heç nəyi dəyişmir. O, status oldu-olmadı, "aşıq gördüyünü çağırar".

Bizim adımız, "DogruXeber.az"dır, sözlərdən hazırlanmış pərdələr, gözümüzə görünmür.

Redaksiyamız hər kəsin söz haqqını tanıyır!

DogruXeber.az
Jalə Asiman