OpenAI ChatGPT chatbotunda səhvləri və zəiflikləri tapmaq üçün istifadəçilərə 20.000 dollara qədər ödəməyə hazırdır. Bloq yazısında şirkət süni intellekt məhsullarında zəifliklərin axtarışı proqramına başladığını və onun daha səmərəli həyata keçirilməsi üçün istifadəçi sorğularını toplayıb təhlil edəcək Bugcrowd Inc platforması ilə müqavilə bağladığını elan edib.

"MUMtv.az"ın Foxbusiness-ə istinadən məlumatına görə , yeni "Bug Bounty Proqramı" çərçivəsində istifadəçilər "texnologiyamızı və şirkətimizi təhlükəsiz saxlamağa kömək edəcək qiymətli ideyalara" görə maliyyə mükafatları ala bilərlər. Proqrama əsasən, fərdlər "xırda" səhvləri və zəiflikləri tapmaq üçün 200 ABŞ dolları, "müstəsna" problemləri tapmaq üçün isə 20.000 dollara qədər pul ala bilərlər.

“Model Təhlükəsizlik Problemləri” (məsələn, chatbot cavablarının məzmunu ilə bağlı problemlər) aşkar edənlər mükafat gözləyə bilməzlər, çünki bu cür səhvlər “birbaşa düzəldilə bilən ayrı, diskret xətalar deyildir”.

Ancaq ödəniş, autentifikasiya və məlumatların açıqlanması ilə bağlı problemlərin aşkarlanması üçün mükafat artıq verilir.

“Bu təşəbbüs təhlükəsiz və qabaqcıl süni intellekt inkişaf etdirmək üçün ümumi baxışımızın təbii hissəsidir. Biz təhlükəsiz və etibarlı texnologiyalar və xidmətlər yaratmaq istəyirik, ona görə də sizdən kömək istəmək istəyirik”, – deyə şirkətin bloqunda deyilir.

MUMtv.az
Anarə Muhəmməd