Gündəm
Gündəm / Cəmiyyət
Vergi idarəsinin “burnunun ucunda” qanunsuz çörək sexi aşkarlanıb
Ölkəmizdə ən çox istifadə edilən ərzaq növü olan çörəyin istehsalında, daşınmasında və satışında sanitar-gigeyenik normaların pozulmasının kifayət qədər geniş miqyas aldığı çoxdan bəllidir. Təkcə bölgələrdə deyil, eləcə də paytaxtda yol kənarlarında üst-başı çirkli qadınların işlədiyi, heç bir sanitar-gigeyenik normalara uyğun gəlməyən təndirlər, yaxud qida istehsalı üçün normal şərait yaradılmayan kiçik çörək sexləri, çörəyin sınıq-salxaq maşınların yük yerlərində daşınması və çörəyin piştaxtalara çatdırılanacan dəfələrlə insan əli ilə təması-bunlar hamının çoxdan vərdiş elədiyi adi situasiyadır.
Qaydaların pozulduğu çörək sexlərindən biri də Bakı şəhəri, Xəzər rayonu, Mərdəkan qəsəbəsi, Yesenin küçəsi 5 ünvanda fəaliyyət göstərir. Faiq Qapanzadə adlı şəxsə məxsus bu sexdə xammalın (unun) saxlanılması qaydaları pozulur ki, bu da məhsulun keyfiyyəti və təhlükəsizliyində problemlər yaradır. Un yüksək temperaturda saxlanıldıqda emalı zamanı içərisindəki mikroorqanizmlərin çoxalması baş verir. Unun ələnməsində, xəmirin yoğrulmasında da nöqsanlar aşkar müşahidə olunur. Un çox zaman xüsusi cihazla deyil, əllə yoğrulur, bu isə yolverilməzdir. Sözügedən sexin sertifikatı yoxdur (görünən yerdə asılmayıb), sexdə işçilərlə müqavilə bağlanmayıb, onlar vaxtaşırı həkim müayinəsindən keçmirlər. Təbii ki, bu cür qanun pozuntularına yol verilən sexin sahibi vicdanlı vergi ödəyicisi ola bilməz.
Qəribədir ki, internetdə sexin yerləşdiyi ünvanın qonşuluğunda ərazi vergi ödəyicilərinə xidmət mərkəzinin də olduğu göstərilib.//azerinfo.az
