Qardaş ölkənin yanında olduqlarını hiss etdirmək üçün bütün varlığı ilə hər cür təqdirəlayiq addımları atan Azərbaycan xalqı zəlzələnin baş verdiyi gündən bugünə qədər yardım kompaniyalarını davam etdirirlər.

Bir tərəfdən "Tır" yük avtomobilləri və təyyarələrlə ardıcıl şəkildə yardımlar göndərir, bir tərəfdən yardımlar toplamaqda hər gün davam edir, bir yandan təcili tibbi yardım qrupları, axtarış-xilasetmə qrupları artıq Türkiyədə fasiləsiz çalışır, digər tərəfdən bunlarla da ürəyi dinclik tapmayan xalqımız zəlzələdə həyatını itirən qardaşlarımızın xatirəsinə hörmətini nümayiş etdirərək, Bakıda Türkiyə səfirliyinin qarşısında saysız-hesabsız əklillər düzüblər.



"MUMtv.az" qeyd edir ki, bu gün dördüncü gündür ki, Azərbaycan əhalisinin hər birinin ürəyi Türkiyədə döyünür. Hər gələn yaxşı xəbərə sevincdən, ölüm xəbərinə kədərdən göz yaşları tökürlər.

Allah ölənlərə rəhmət eləsin, yaralılara acil şəfalar versin, dağıntılar altından hələ çıxarılmayan insanları qorusun və onların da sağ-salamat çıxarılmasında yardımçı olsun.

Amin.

MUMtv.az
Mahir Rəşidov