"MUMtv.az" xarici KİV-ə istinadən xəbər verir ki, bu barədə ABŞ-ın yüksək səviyyəli rəsmiləri məlumat yayıb.  
Amerika Milli Kəşfiyyatın direktoru Avril Haines Senatın Silahlı Qüvvələr Komitəsi qarşısında çıxışında Çinin Tayvanı ələ keçirmək üçün ordu yaratmağa fəal şəkildə çalışdığını iddia edib.  

"Bizim fikrimizcə, Çin Tayvana müdaxilə etmək üçün hərbi işini gücləndirir", - deyə Haines ifadə edib.  
ABŞ Müdafiə Kəşfiyyat İdarəsinin rəhbəri general-leytenant Skott Berrierin sözlərinə  görə, Çin prezidenti Si Cinpin Rusiyanın Ukraynadakı müharibəsindən kifayət qədər dərs götürməyib. 
Mərkəzi Kəşfiyyat İdarəsinin direktoru Bill Börns da Ukraynadakı müharibənin Çinin hesablarına təsir etdiyini iddia edib.
“Mən düşünmürəm ki, Si Cinpinin  Tayvana nəzarəti ələ keçirmək əzmi bir anlıq da azalıb, lakin onlar bunu Ukrayna vasitəsilə necə və nə vaxt edəcəklərini hesablayırlar”, - deyə Börns bildirib. 
Rusiyanın Ukraynanı işğal etməsi Tayvanı da həyəcan vəziyyətinə salıb. Tayvanı materik Çinlə birləşdirmək, Çin prezidenti Si Cinpinin ölkəni 2050-ci ilə qədər konsolidasiya etmək planının ən mühüm sütunlarından biri kimi qəbul edilir.
“Vahid Çin” prinsipini qəbul edən Çin artıq Tayvanı ölkənin bir hissəsi kimi görür. Rusiyanın yaxın müttəfiqi olan ölkə son vaxtlar ordusunu modernləşdirmək üçün böyük sərmayələr yatırıb.
ABŞ “Vahid Çin” məsələsində ölkəni dəstəkləsə də, Tayvana verdiyi hərbi dəstək səbəbindən iki ölkə dəfələrlə qarşı-qarşıya gəlib. Nəhayət, Çin ABŞ-a Tayvanla bağlı “milli suverenliyi və ərazi bütövlüyünü” qorumaqda qərarlı olacağı mesajını verib.