Siyasət
"Ermənilər tərəfindən təxribatlar həmişə olacaq" - Deputat
"Ermənistan bizə qonşu ölkə olduğu müddətdə onlar tərəfindən təxribatlar hər zaman olacaq".
Mumtv.az bildirir ki,bu sözləri Sonxeber.az-a danışan deputat Vahid Əhmədov deyib.
Deputat qeyd edib ki, ermənilər terror və narkomaniya ilə məşğul olan millətdir:
"Biz mümkün qədər bu məsələlərdə ehtiyyatlı olmalıyıq. Əlbəttə, Nikol Paşinyanın hakimiyyətdə qalması müəyyən qədər bizim üçün yaxşıdır. Çünki bu sazişi o imzalayıb, o da axıra çatdırılmasında israrlı olmalıdır.
Amma kimin gəlməsindən asılı olmayaraq, artıq müqavilə imzalanıb və oraya sülhməramlılar yerləşdirilib. Orada həm Rusiya, həm də Türkiyə sülhməramlıları olacaq. Onlar birlikdə işləyəcəklər. Artıq saziş imzalanıb. Faktiki olaraq, müharibə dayanmasaydı belə, sona kimi gedib, bütün torpaqlarımızı azad edəcəkdik. Amma imzalanan müqavilədə müddəalar var. O müddəalar yerinə yetirilməsə, üstünlük bizdədir, Ali Baş Komandandadır. Amma hesab edirəm ki, Ermənistan siyasi və iqtisadi cəhətdən elə bir vəziyyətdədir ki, onun taleyi sual altındadır.
Qafqazada vəziyyət tamam dəyişib. Artıq Türkiyə daha güclüdür və onun Ərdoğan kimi prezidenti var. Ona görə də məsələlər biz istədiyimiz istiqamətdə gedəcək. Hər hansı bir narahatlığa ehtiyac yoxdur".