Dağlıq Qarabağdakı qondarma rejimin "prezidenti" Araik Arutyunyan məhv edildikdən sonra Ermənistan Müdafiə Nazirliyinin sözçüsü qeyd edib ki, Azərbaycan və Türkiyə üçün sürpriz hazırlamışıq.

Mumtv.az məlumat verir ki, bununla bağlı Sonxeber.az-a danışan deputat Aqil Abbas bildirib ki, ermənilərin vəhşiliyi hər zaman olub:

"Amma onların sürprizi bu deyil. Ermənilərin sürprizi təslimçilik aktına qol çəkməkdir. Terrorla dünyada heç kim heç nəyə nail ola bilməyib. Düzdür, haranısa partlada və vura bilərlər. Bizim təhlükəsizlik orqanları ciddi işləyir, əhalimiz də ayıq-sayıqdır. Türkiyədə də zaman-zaman terror aktları baş verir. Qardaş Türkiyə terrora öyrəşib, apardıqları əməliyyat zamanı terrorçuları məhv edirlər. Yaxın günlərdə böyük terrroçu təşkilatını Türkiyə məhv edib. Ermənilərin ağlı olsa, bizə "sürpriz"ləri təslimçilk haqqında akta qol çəkmək olar".