Siyasət
Azərbaycan yeni risklə ÜZ-ÜZƏ - Ərazilərimizi işğaldan AZAD EDƏ BİLƏRİK
Silahlanma yarışı özü ilə siyası aqressiya da gətirir.
Politoloq Məhəmməd Əsədullazadə Redaktor.az-a açıqlamasında ABŞ-ın orta mənzilli və Ballistik raketlər nəslindən olan raketlərin sınağını keçirtməsinə münasibət bildirib.
(4)(2).jpg)
Politoloq hesab edir ki, bununla Vaşinqton silahlanma yarışına start verməklə, dünyada yeni siyasi mənzərənin yaradılmasına başlayır:
"Bu, "Orta Mənzilli və Ballistik raketlərin ləğvi haaqında” sazişdən çıxdıqdan sonra ABŞ-ın bu nəsildən olan raketlərinin ilk sınağı idi. Orta Mənzilli raketlərin ləğvi haqqında saziş 30 ildən sonra qüvvədən düşməklə, Rusiya və ABŞ arasında soyuq müharibənin yeni fazasına keçildi. Bu, Avropada, Asiyada yeni gərginliyə yol açacaq və Vaşinqtonun dünya jandarmı rolunu inkişaf etdirəcək. Hazırda Rusiya və Çin yeni silahlar üzərində işləyir və demək olar ki, ikiqütblü dünya nizamını yaradılmasına çalışır. Ona görə də, 1987-ci ildə bağlanmış bu müqavilə əvvəldən Rusiya tərəfindən pozuldu. Çünki Rusiya öz silah arsenalına inkişaf etdirməsi lazım idi. Bununla öz təsir coğrafiyasını genişləndirmək və əvvəlki nüfuzunu bərpa etmək idi. Buna baxmayaraq iqtisadi sanksiyalarla üzləşən Moskva silahlanma yarışında yeni maliyyə problemləri ilə üzləşəcək”.
Politoloq vurğulayıb ki, ABŞ bu müqavilədən çıxmaqla Çinin artan hərbi qüdrətini zəiflətmək və Rusiyanı küncə sıxmaqla yanaşı, bu iki dövlətlə əlverişli şərtlər daxilində yeni müqavilə bağlamağı planlayır:
"Cənubi Qafqaz regionu ABŞ və Rusiya arasında geopolitik maraq dairəsindədir. Hər iki dövlət çalışacaq ki, regionda təsirini artırsın. Bununla ABŞ Şərqi Avropa istiqamətində yeni ballistik raketlər yerləşdirə bilər. Rusiya da Xəzər dənizində yeni silahlanmayà start verə bilər. Məhz Suriya münaqişəsində Moskva Xəzərdən "Qanadlı Kalibrli" raketlər atmaqla regionda militarist siyasətini nümayiş etdirmişdi. Məhz bu kontekstdə Azərbaycan və region yeni risklərlə üz-üzədir və siyasi seçim imkanlarında çox ciddi problemlər olacaq”.
Politoloq bildirib ki, belə bir situasiyada Azərbaycanın silahlanması mütləqdir:
"Ölkəmiz öz ərazilərini işğaldan azad etmək üçün yeni beynəlxalq silahlanma xaosundan kifayət qədər yararlanmalıdır. Bu istiqamətdə ABŞ və Qərb dövlətləri ilə yeni silah alışıyla bağlı müqavilələr bağlaması perspektivi var. Bu silahlanma Azərbaycanın öz ərazilərini işğaldan azad etmək üçün unikal bir fürsət verəcək”.
