Yonhap agentliyinin çərşənbə axşamı verdiyi məlumata görə, Cənubi Koreyanın Qanqunq şəhərində meşə yanğınları nəticəsində ən azı 40 ev dağılıb, böyük meşə sahələri yanıb.

Agentliyin məlumatına görə, 300-dən çox yerli sakin və 700-ə yaxın turist təhlükəli ərazini tərk etməli olub.

"MUMtv.az" Yonhap-a istinadən xəbər verir ki, bu gün Kanın şəhəri yaxınlığındakı şimal-şərq sahilində güclü küləklə körüklənən meşə yanğını 40-a yaxın evi məhv edib.

Şəhərin yanğından mühafizə xidmətinin məlumatına görə, 28 fərdi yaşayış evi, 12 pansionat və 4 mehmanxana dağılıb, hazırda tələfat yoxdur.

Yerli hakimiyyət nümayəndələri yanğına küləkdən düşən şam ağacının elektrik xəttinə dəyməsi nəticəsində baş verdiyini ehtimal edir. Koreyalı meteoroloqlar bundan əvvəl regionda küləyin maksimal sürətinin saniyədə 30 metrə çatan quru hava ilə bağlı xəbərdarlıq etmişdilər.

MUMtv.az
Anarə Muhəmməd