Gündəm
Şəhərdə yaralı gəzən yaşlı kişi xəstəxanaya yerləşdirildi - RƏSMİ
Mumtv.az: - "Sosial mediada haqqında xəbər paylaşılan, Bayıl ərazisində xəsarətlərlə dolaşan vətəndaşımızla bağlı məlumatı öyrəndiyimiz andan Sosial Xidmətlər Agentliyi dərhal lazımi addım atıb".
Bu barədə agentliyin mətbuat katibi Murad Həşimov bildirib. O qeyd edib ki, qurum əməkdaşları əraziyə göndərilib:
"62 yaşlı Cəbrayıl (ad şərtidir) kişinin bədənində əvvəllər yaşadığı xoşagəlməz bir hadisədən sonra yanıq xəsarətləri olduğu müəyyənləşib. O, mütəxəssislərimizin iştirakı ilə təcili tibbi yardım avtomobili ilə 5 saylı Kliniki Xəstəxanasının yanıq şöbəsinə yerləşdirilib.
Xəstəxanada müalicə prosesi yekunlaşdıqdan sonra Sosial Xidmətlər Agentliyinin Həssas əhali qruplarından olan şəxslər üçün Sığınacaq və Sosial Reabilitasiya Müəssisəsinə yerləşdirilməsini təmin edəcəyik".//sonxeber.az