"Facebook" sosial şəbəkəsində maraqlı məlumatlara rast gəlmək olur. Ümumiyyətlə, sosial şəbəkələr artıq informasiya mənbəyinə çevirilib desək yanılmarıq. Əlbətdə, bu məlumatlar yoxlanmalı və araşdırılmalıdır. Amma qarşı tərəflər mətbuata açıq olarsa...

Bizimxeber.az rayonun Azad Fərrux adlı sosial şəbəkə istifadəçisinin paylaşdığı maraqlı məlumatı oxuculara təqdim edir.

İstifadəçi öz profilində yazır ki, əslən ağdaşlı olan millət vəkili Cavid Osmanov rayon sakinləri üçün heç bir iş görmür. Giley güzardan sonra daha maraqlı bir xəbər diqqət çəkir. Cavid Osmanov MTN-nin Baş istintaq idarəsinin rəisi, general Mövlam Şıxəliyevin qohumudur. Daha doğrusu, Cavid Osmanovun qohumu Şıxəliyevlə bacanqdır.

Statusun ən maraqlı tərəfi ölkə başçısının Ağdaşa səfəri zamanı baş verənlərdir.

Azad Fərrux iddia edir ki, ölkə başçısı Ağdaşa gedən zaman yalandan məlumat verdiblər ki, rayona su çəkilib. Küpədən gələn su isə Ağdaş bələdiyyəsindəki çayxanadan xəttə birləşdirilibmiş.

Cavid Osmanov isə o zaman Ağdaş rayon İcra Hakimiyyəti başçısının birinci müavini vəzifəsində işləyirmiş. Və bu məsələni heç kim araşdırmayıb...