Məlumdur ki, Nazirlər kabineti yanında yaradılan operativ qərargahın verdiyi qərara görə,həftə sonları yəni, şənbə və bazar günləri karantin rejimi tətbiq olunub. Verilən qərarın əsas şərtlərindən biri budur ki,insanların iki gün ərzində zəruri hallar (yaxınlarından rəhmətə gedənin dəfninə getmək və həyati təhlükə yaranan vaxt ) istisna olmaqla bayıra çıxmaqları qəti qadağan olunub. Verilən qərardan sonra bir çox ticarət mərkəzlərində böyük müştəri axını müşahidə olunub. Hətta müştərilərin çörək üstə yaratdıqları insident anbaan kameralara düşüb. 

Yaranan xoşagəlməz mənzərə sosial şəbəkələrdə böyük marağa səbəb olmuşdur. "DogruXeber.az" informasiya agentliyinin verdiyi xəbərə görə,şənbə günü axşam saatlarında bir çox ticarət mərkəzlərinin vaxtından tez bağlanması və digər açıq mağazalarda  isə çörəyin tapılmaması böyük diqqət çəkmişdir.