Gündəm
"Ön cəbhədə" işləyən tibb bacısı: "Bu insanlar koronavirusdan yox, yanlış müalicədən ölürlər" - VİDEO
Koronavirusla mübarizədə ön cəbhədə çalışan bir tibb bacısı iddia edib ki, virusdan ölüm səbəbinin çox olması diqqətsizlik və laqeydlikdən irəli gəlir.
Mumtv.az metbuat.az-a əsasən xəbər verir ki, Nyu York xəstəxanalarının birində çalışan Nikol Sirotek adlı tibb bacısı deyib ki, xəstələr düzgün müalicə edilmədiyi üçün ölümə məhkum olurlar.
"Bu insanlara nə baş verdiyinə əhəmiyyət vermirlər. Və sadəcə onların ölməsini izləmək məcburiyyətindəyəm. Yaşamaq istəyirsinizsə Nyu Yorkdan uzaqda qalın''
Ümidsizlik içində danışan 37 yaşlı Nicole Sirotek, dəhşətli bir açıqlamada verib.O deyir ki, bir tibb bacısının səhvindən xəstənin ağciyərlərinə qidalanma borusu yerləşdirilib.Nəticədə xəstə əzab içərisində ölümə məhkum olub və heç kim ona məhəl qoymayıb.
''Mən anestezioloqların intubasiya etməyə çalışarkən öz qanında boğulan xəstələr görürəm.Burada koronavirusdan yox potensial səhlənkarlıqlardan insanlar həyatlarını itirir.''
Qeyd edək ki, Ümumdünya Səhiyyə Təşkilatının bugünkü statistikasına əsasən, ABŞ-da 72271 insan koronavirus səbəbindən dünyasını dəyişib.