Mumtv bildirir ki, bu barədə tibb sahəsi üzrə ekspert, terapevt Rasif Bağırov Cebhe.info-ya açıqlaması zamanı bildirib.
Onun sözlərinə görə, ölkəmizə xaricdən gətirilən dərmanların böyük əksəriyyəti standartlara cavab vermir:
"Eyni adlı dərmanlar onu ölkəmizə ixrac edən ölkədə tamamilə başqa keyfiyyətdə olur. Dərman istehsalçıları tərəfindən Azərbaycan aşağı kateqoriyalı ölkə kimi tanınır. Məsələn, Avropaya gedən dərmanlar 9 təmizlənmə dərəcəsindən keçir və yüksək keyfiyyətlə həmin ölkələrə daxil olur. Rusiya və Türkiyə kimi ölkələrə bir qədər aşağı kateqoriyalı dərmanlar daxil olur. Azərbaycanda alıcılıq qabiliyyəti aşağı olduğuna görə, dərmanlar təqribən III-IV kateqoriya ilə daxil olur. Nəticədə xəstələrə müəyyən qədər kömək etmək gücündə olsa da, tam effektiv olmur. Həmin dərmanların yoxlanılması, vətəndaşlara məlumatların verilməsi istiqamətində heç bir addım atılmır”.
Terapevt deyir ki, bəzən dərmanların üzərindəki ştirx-kodla dərmanın özü uyğun gəlmir:
"Apteklər bu cür dərmanlarla doludur. Bu o deməkdir ki, bu cür dərmanların hamısı gömrük xidmətindən keçir. Səhiyyə Nazirliyi tərəfindən onların yoxlanılması aparılmır”.
Rasif Bağırov deyir ki, İran Sosial Müdafiə Təşkilatının dərman istehsalı üzrə şirkətinin Azərbaycanda açılan müəssisəsi rentabelli işləyə bilmir:
"Çünki gömrük sistemi həmin dərmanların satışına imkan vermədi. Yəni elə bir şərait yaradılıb ki, xaricdən dərman gətirmək onları istehsal etməkdən ucuz başa gəlir. Müəssisə yalnız bəzi yüngül dərmanları bazara çıxara bilir”.
Səhiyyə Nazirliyi yanında dərmanların keyfiyyətinə nəzarət edəcək İctimai Şuranın yaradılması məqsədəuyğundurmu?
Həkim terepevt bildirir ki, ictimai təşkilatlar müstəqil şəkildə fəaliyyət göstərsə belə, bir Şuranın yaradılmasına ehtiyac qalmaz:
"QHT gərək müstəqil olsun ki, müstəqil fikir irəli sürə bilsin. Əks təqdirdə hansısa Şuranın yaradılması effektsizdir”.
Xatirə Nəsirova
Cebhe.info