Gündəm
Gündəm / Cəmiyyət
Elton Məmmədov da deputatlığa namizəd oldu
![Elton Məmmədov da deputatlığa namizəd oldu Elton Məmmədov da deputatlığa namizəd oldu](https://dogruxeber.az/uploads/posts/2024-07/medium/1720697331_1720695347_646e2033733e9f821c1e4e41d27002d6untitled-1-jpg.jpg)
Azərbaycanın nəqliyyat naziri olmuş Ziya Məmmədovun qardaşı, keçmiş deputat Elton Məmmədov qarşıdan gələn növbədənkənar parlament seçkilərinə qatılacaq.
"MUMtv.az"ın Qaynarinfo-dan əldə etdiyi məlumata görə, Elton Məmmədov namizədliyini 94 saylı Ucar seçki dairəsindən naziməd olmaq niyyətindədir. Məlumata görə, o, artıq sənədlərini Dairə Seçki Komissiyasına təqdim edib.
Elton Məmmədov Qaynarinfo-ya açıqlamasında məlumatı təsdiqləyib. "Qanunvericiliyin tələblərinə uyğun olaraq sənədlərimi 94 saylı dairə seçki komissiyasına təqdim etmişəm", deyə keçmiş deputat bildirib.
Qeyd edək ki, Elton Məmmədov 18 dekabr 1954-cü ildə Ucar rayonunun Qazıqumlaq kəndində anadan olub. O, 2000-2015-ci illərdə 91 saylı Ucar seçki dairəsindən 3 çağırış Milli Məclisin deputatı olub, 13 may 2019-cu ildən 28 noyabr 2019-cu ilə qədər AzTU-nun strateji inkişaf üzrə prorektoru, 28 noyabr 2019-cu il tarixindən 16 yanvar 2020-ci ilə qədər Azərbaycan Milli Elmlər Akademiyası Yüksək Texnologiyalar Parkının direktoru, 16 yanvar 2020-ci il tarixindən Azərbaycan Milli Elmlər Akademiyası İşlər idarəsinin müdiri vəzifələrində çalışıb.