Qarabağın işğaldan azad olunmasından 4 ilə yaxın vaxt keçib. Artıq bu ərazilərdə heç bir erməni izi qalmayıb.

"MUMtv.az “Yeni Sabah”a istinadən bildirir ki, hətta onlayn beynəlxalq xəritə proqramlarında belə Qarabağdakı yaşayış məntəqələrinin adlarının erməni dilində yazılmasına son verilib.

Amma Azərbaycanın dövlət bankı olan “Azərbaycan Beynəlxalq Bank”ı öz saytında təqdim etdiyi xəritədə hələ də Qarabağ ərazisindəki yaşayış məntəqələrinin adları Azərbaycan və erməni dilində təqdim olunur.

Xəritədəki qəribəlik təkcə bu deyil. Eyni zamanda ölkənin digər ərazilərindəki şəhər və kəndlərin adları da iki dildə – Azərbaycan və rus dilində təqdim olunur.