Dövlət Tibbi-Sosial Ekspertiza və Reabilitasiya Agentliyinin Mebel inventarların satınalınması ilə bağlı elan etdiyi tenderin qalibi bəlli olub.

"MUMtv.az"ın 32gun.az-a istinadən məlumatına görə, müsabiqənin qalibi "Arash Medical Company" MMC olub.

Tərəflər arasında 71.803 AZN-lik müqavilə bağlanacağı gözlənilir.

Tenderə əsasən Anar Bayramovun İdarə Heyətinin sədri olduğu Dövlət Tibbi-Sosial Ekspertiza və Reabilitasiya Agentliyi Rəhbər kresloları, İşçi kreslosu, Qonaq kreslosu, Qurum rəhbərinin müavini üçün masa dəsti, Qurum rəhbərinin müavini üçün sənəd və paltar dolabı və.s alınmalıdır.
Bildirək ki, Arash Medical Company" QSC 22 iyun 2011-ci ildə qeydiyyata alınıb. Nizamnamə kapitalı 2000 manatdır. Şirkətin qanuni təmsilçisi Məmmədov Kamran Abid oğludur.

Kamran Məmmədov bundan əlavə Caspian İnternational Hospital” MMC-nin də qanuni təmsilçidir.

Lakin bizdə olan məlumata görə, adı çəkilən bu iki şirkət, eləcə BADAM MEDICAL CENTER Məmmədov Kamran Abid oğlu və Ehtiram Fərzəlibəyovun şərikli "malıdır".

Tanınmış iş adamı Şamo Fərzəlibəyovun qardaşı Ehtiram Fərzəlibəyov sosial şəbəkdə son dönəm ən məşhur aşpaz blogeri kimi tanınır. E.Fərzəlibəyov əsas hobbisini sosial şəbəkələrdə reallaşdırmaq qərarına gəlib. Ehtiram Fərzəlibəyov tanınmış kulinar, Şuşa Beynəlxalq Kulinariya Festivalının iştirakçısıdır.

O şəxsi villasında kamera önünə keçərək yeməklər bişirir.

Saytımıza verilən məlumatda iddia edilir ki, Kamran Məmmədovun atası Abid Məmmədov da bir vaxtlar bu ortaq biznesin əsas siması olsa da bütün işlərini oğluna həvalə edib.