Elə ərazilər var ki, Azərbaycan onlara işarə edir və bizim də bununla bağlı danışdığımız sahələr var.

"MUMtv.az" xəbər verir ki, bu barədə Ermənistanın ərazi idarəetmə və infrastruktur naziri Qnel Sanosyan ilin yekunu üzrə mətbuat konfransında deyib. 

O, rəsmi Bakının qeyd etdiyi 8 kəndin qaytarılması məsələsinı toxunaraq bildirib: "Həmin 8 kənd müəyyən edilməli və onların hüquqi əsasları aradan qaldırılmalıdır, sonra iki proses baş verəcək: mübadilə və ya fiziki olaraq ərazini tərk etmək və sərhədin demarkasiyası və delimitasiyası çərçivəsində məsələni müzakirə etmək". 

Sanosyanın fikrincə, sərhədlərin demarkasiyası Bakının qeyd etdiyi 8 kəndlə bağlı suala cavab verə bilər.