Sədərək gömrük postunun iki əməkdaşı haqda 4 aylıq həbs qətimkan tədbiri seçilib. Onlar rüşvət almaq və dərman vasitələrinin qanunsuz dövrüyyəsində təqsirli bilinirlər. Bu haqda Naxçıvan Prokurorluğu məlumat yayıb. Onlar haqda bir neçə gün öncə cinayət işi açılmışdı.

"MUMTv.az" DİA-AZ.COM -a istinadən vurğulayır ki, az əvvəlki xəbərlərdə "Sədərək" gömrük postundan müxtəlif adda dərman vasitələrinin Türkiyə Respublikasından ölkə ərazisinə nəzarətsiz keçirilməsi faktı ilə bağlı Naxçıvan Muxtar Respublikası Prokurorluğunda başlanan cinayət işi üzrə istintaqın davam etdiyi qeyd olunurdu.

Xəbərdə deyiilirdi ki, həmin cinayət işi üzrə Naxçıvan Baş Gömrük İdarəsinin Sədərək gömrük postunun iki əməkdaşı təqsirləndirilən şəxs qismində cəlb edilərək Cinayət Məcəlləsinin 200-1.2.2 (qabaqcadan əlbir olan bir qrup şəxs tərəfindən dərman vasitələrinin qanunsuz dövriyyəsi), 200-1.2.3 ( külli miqdarda törədildikdə ) və 311.3.1-ci (qabaqcadan əlbir olan bir qrup şəxs tərəfindən rüşvət alma) maddələri ilə ittiham elan olunub. Onların barəsində məhkəmənin qərarı ilə 4 aylıq həbs qətimkan tədbiri seçilib.

Amma bununla bağlı DİA-AZ.COM (Ərsoyun Bloqu) yeni faktlar əldə edib. Məlumata görə, Sədərək gömrük postundakı mənbəmizin bildirdiyinə görə isə, həmin iki nəfər, türkiyəli TIR sürücülərindən rüşvət aldıqlarına görə həbs olunub:

“Türkiyəli sürücülərin gömrük qarşısında etirazının ictimailəşməsi geniş rezonans yaratdı. Məsələyə Türkiyə dövləti də qarışıb. Bizimkilər də ara sakitləşsin deyə, iki nəfəri həbs ediblər. Lakin, adını türkiyə vətəndaşlarından rüşvət aldı qoya bilmirlər. Çünki, sürücülərin etiraz aksiyası ictimailəşdikdən sonra DGK bəyanat yayaraq, rüşvət məsələsini təkzib etmişdi”.

Xatırladaq ki, oktyabrın 30-da bir qrup türkiyəli sürücü Sədərək gömrüyünə yürüş edərək, etiraz aksiyası keçirmişdi.