"MUMtv.az" "ria.ru"ya istinadən bildirir ki, Tayvan müdafiə nazirliyindən verilən açıqlamaya görə, Tayvan silahlı qüvvələri bir gün ərzində adaya yaxınlaşan 35 Çin Xalq Azadlıq Ordusunun (PLA) təyyarəsini qeydə alıb.

"11 aprel çərşənbə axşamı səhər saat 6:00-dan 12 aprel səhər saat 6:00-a qədər Tayvan ətrafında Çin Xalq Azadlıq Ordusunun 35 təyyarəsi və səkkiz gəmisi müşahidə edilib", - deyə, agentlik Twitter-də bildirib.

Qeyd olunur ki, 14 təyyarə və bir pilotsuz uçuş aparatı Tayvan boğazının "median xətti" adlanan ərazini keçərək adanın hava hücumundan müdafiə identifikasiyası zonasına daxil olub.

Nazirlik bildirib ki, Tayvan vəziyyəti izləmək üçün hava və dəniz patrulları göndərib və yerüstü raket sistemlərini yerləşdirib.

PLA Şərq Döyüş Komandanlığı Zonası 8-10 aprel tarixlərində Tayvan ətrafındakı dəniz və hava məkanında planlaşdırılmış hərbi təlimlər və patrul hərəkətləri həyata keçirib. Pekin təlimi Tayvanın müstəqilliyi tərəfdarı olan separatçı qüvvələrə xəbərdarlıq, eləcə də Çinin suverenliyi və ərazi bütövlüyünü qorumaq üçün zəruri tədbir adlandırıb. Bazar ertəsi PLA-nın Döyüş Komandanlığının Şərq Bölgəsinin sözçüsü Şi Yi bildirib ki, təlimlər və patrullar uğurla başa çatıb və verilən bütün tapşırıqlar yerinə yetirilib.

MUMtv.az
Jalə Asiman