Gündəm
Gündəm / Hadisə / Dünya
ABŞ-da tornado fəlakəti nəticəsində ölənlərin sayı 26-ya çatıb
“MUMtv.az” “KYUDO NEWS”a istinad edərək xəbər verir ki, ABŞ-ın Missisipi ştatında baş verən tornado nəticəsində həyatını itirənlərin sayı 26-ya yüksəlib.
ABŞ-ın cənub-şərqində yerləşən Missisipi ştatında tornadolar və şiddətli tufanlar getdikcə şiddətlənir.
Missisipi Fövqəladə Hallar İdarəsi Agentliyinin (MEMA) verdiyi açıqlamada, tornado səbəbiylə Missisipi ştatında 25, Alabama ştatında isə 1 nəfərin öldüyü bildirilib. Ərazidə axtarış-xilasetmə işlərinin davam etdiyi bildirilib.
Ştatda böyük dağıntılara səbəb olan Tornado nəticəsində bir çox ev və bina zərər görüb . Elektrik xətləri və ağaclar aşıb, minlərlə insan işıqsız qalıb.
Digər tərəfdən ABŞ prezidenti Co Bayden verdiyi yazılı açıqlamasında bölgəyə federal dəstəyin veriləcəyini ifadə edərək "Bu dağıdıcı fırtınalardan zərər çəkən vətəndaşlarımıza kömək etmək üçün əlimizdən gələni edəcəyik. Biz də orada olacağıq. Biz sizin sağalmağınızı və sizə lazım olan dəstəyi təmin etmək üçün birlikdə çalışacağıq."
MUMtv.az
Kamal Əsgərov