Gündəm
Gündəm / Hadisə / Dünya
Təhlükə sahilə çatıb: Filippində batan tankerdə yanacaq sızması quruya çatıb
"MUMtv.az" "haberglobal"a istinadən xəbər verir ki, Filippinin Mindoro adası yaxınlığında batan və 800 min litr sənaye yanacağı daşıdığı öyrənilən tankerdəki sızma sahilə çatıb. Təsirə məruz qalan ərazilərdə balıqçılıq fəaliyyəti qadağan edilib.
Fəlakətin baş verdiyi ünvan Filippinin Mindoro adasıdır.
Fevralın 28-də Filippinin paytaxtı Manilanın cənubundakı Mindoro adasında 800 min litr sənaye yanacağı daşıyan tankerin batmasından sonra baş verən sızma sahilə çatıb. Bölgədə günlərlə davam edən səylərə baxmayaraq, bölgədəki bəzi digər adaların sahillərinə və tətil bölgələrinə çatan sızma səlahiyyətliləri təşvişə salıb.
Filippin Səhiyyə Nazirliyindən verilən açıqlamada, "Mindoro adasının yaxınlığında batan MT Princess Empress tankerində yaşanan yanacaq sızması" ifadələri işlənərək, sahil təmizliyində mülki vətəndaşların riayət etmələri lazım olan qaydalara dair vizual açıqlama yayımlanıb. Fevralın 28-də bölgədəki 6 kvadrat kilometrlik yaşayış yerləri və mərcanlar üçün təhlükə yaradır”.
Sahil təmizliyində çalışan könüllülərin bir qismi xəstələnməyə başlayandan sonra təmizlik işlərinə cavabdeh olan şəxslərə maska məcburi edilib.
Filippin Sahil Təhlükəsizliyi adından açıqlama verən Armando Balilo, sızan tankerin təxminən 400 metr dərinlikdə olduğunu və sənaye yanacaq tankerinin ən təhlükəsiz şəkildə çıxarılması üçün neft şirkətlərinin ekspert texniki rəsmiləri ilə görüşlər keçirildiyini bildirib.
Mindoro Regional Kənd Təsərrüfatı İdarəsindən verilən açıqlamada, yanacaq sızmasının bölgədəki 7 fərqli əyalətdə 26 xüsusi qorunan ərazi və təxminən 26 min hektar mərcan qayalığı üçün təhlükə yaratdığı bildirilib.
Təsirə məruz qalan ərazilərdə balıqçılıq fəaliyyəti qadağan edilib.
MUMtv.az
Kamal Əsgərov