Ayaqüstü yeməklərin insan səhhəti üçün zərərli olduğu barəsində mütəxəssislər də, həkimlər də hər zaman xəbərdarlıqlar edirlər və bunlar da sosial media vasitəsilə yayımlanır.

Bütün bunlara rəğmən demək olar ki, ölkənin hər yerində, nəinki paytaxtda bu kimi yeməklərin istehsal və istehlak edildiyi restoranlar artmaqda davam edir. Hələ bu da azmış kimi, üstəlik evlərə sifarişlər belə çatdırılır.

Xüsusi kimyəvi maddələrin köməkliyi ilə verilən süni dadlar əsasən də gənclər və uşaqlar arasında bu cür yeməklərə tələbatı artırır.

Bütün qida istehsal edən müəssisələrə nəzarət etməli olan Azərbaycan Qida Təhlükəsizliyi Agentliyi (AQTA) isə hansısa səbəblərdən müəssisələrdəki nöqsanları ya görmür, ya da görməzdən gəlir.

Məhz bu səbəbdən də qidadan zəhərlənmə halları, piştaxtalarda satışa çıxarılan vaxtı keçmiş məhsullar, həmçinin vaxtı keçməsə belə satışda olan xarab məhsulların yaratdığı narazılıqlar hər gün artır.

Qeyd edək ki, ötən yayımlarımızda xarab, iylənmiş məhsullar istehlak edən "Lebro" broyler şirkəti barəsində də məlumat yayımlamışdıq.

İqbal Məmmədovun şirkəti xalqa iylənmiş məhsullar satır ? - İDDİA //VİDEO+FOTO



"MUMtv.az" bildirir ki, indi də daha vətəndaş - bir facebook istifadəçisi "Şikayətim var" facebook qrupunda ayaqüstü yeməklər istehsal və istehlak edən KFC restorandan şikayətlənir.

O bildirir ki, - " KFC Həzi Aslanovdan "Wolt" çatdırılma vasitəsi ilə qanad və stips sifariş verdim . Toyuq qanadlarında olan mənzərə adamı yəməkdən soyutdu. Toyuğun tükləri bunun üstündə qalıb, həmdə çox pis iylənir toyuq qanadları. Bilmirəm bu xidmət göstərən şəbəkələr niyə müştəriləri qoyun yerinə qoyurlar. AQTA -ya və Azərbaycan Respublikası İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə şikayət etdim".

Bəli, edilən şikayətə adı çəkilən qurumların cavabı, yaxud şikayət əsasında gördüyü hər hansı bir tədbir barəsində məlumatımız yoxdur. Təkcə bildiyimiz bir gerçək var, qida sektorlarında nəzarət zəif olsa, yaxud zəif olmasa bu kimi hallar artmaz, azalar.

Redaksiyamız hər kəsin söz haqqını tanıyır.

MUMtv.az
Kamal Əsgərov