Gündəm
Gündəm / Cəmiyyət
Təşəkkürlər, doktor
Həyatda elə şəxsiyyətlər var ki, onların varlığı insanlara sevinc, xoşbəxtlik gətirir, sağlam həyat bəxş edir, yaşamaq eşqini daha da artırır.
Belə insanlar xalqının, milətinin sevimlisinə, əzizinə çevrilir, onların yaddaşında əbədi kök salır.
Bu cür dəyərli, xeyirxah, insanlıq adına şərəf gətirən və onu daha uca zirvələrə yuüksəldən ziyalılarımızdan biri də şəkildə gördüyünüz gülərüzlü həkim Cəmil Həsənovdur. O, bu yaxında anadangəlmə buynuz qişasının çatmazlığı sindromu ilə doğulan Göyçayın Mirzəhüseynli kəndindən 8 yaşlı İsmayılzadə Röyal Vüsal oğlunun gözlərini əməliyyat edib. Mükəmməl nəticə əldə olundu. 80 % görməyən, get-gedə heç görməmək təhlükəsiylə üzləşən Röyal sağlığına qovuşub.
Həkim-oftalmoloq, kiçik elmi işçi Cəmil Vaqif oğlu Həsənov 2008-ci ildə Azərbaycanda ilk dəfə, bəli, ilk dəfə anadangəlmə qlaukomanın müalicəsində daha effektiv “Trabekulotomiya ilə birlikdə trabekulektomiya” cərrahi texnikasını təqdim edib.
Bu, böyük uğurdur!
Fərəhlə qeyd edək ki, Cəmil doktor bu gün Azərbaycanda tək-tük barmaqla sayılacaq anadangəlmə qlaukuoma üzrə peşəkar cərrah, mütəxəssisdir.
Hazırda Akademik Zərifə Əliyeva adına Milli Oftalmologiya Mərkəzində Buynuz qişanın cərrahiyyəsi və transplantasiya bölməsində çalışır.
Göyçaydan Röyalın ailəsi-atası-anası, babası-nənəsi Cəmil doktor başda olmaqla balaca Röyalın qayğısını çəkən bütün tibbi personala, tibb bacısı Səbinə Məmmədovaya, Reyhan Süleymanovaya, Aysel Əliyevaya, Ülkər Əliyevaya öz dərin təşəkkürünü bildirir.
Mən də bu təşəkkürlərə qatılaraq Cəmil doktora Allahdan can sağlığı diləyirəm.
Nə yaxşı Azərbaycanda sizin kimi öz işinin mütəxəssisi olan peşəkar, bacarıqlı həkimlərimiz var.
Allah qolunuza qüvvət, zehninizə açıqlıq versin, əziz doktorumuz!!
Dərin hörmətlə: Südabə Sərvi