Gündəm
Gündəm / Cəmiyyət
Xalqımızın ləyaqətli təmsilçisi
MUMtv.az: - Ukraynanın haqq savaşında,onun azadlığı, müstəqilliyi və ərazi bütövlüyü uğrunda fədakarlıqla döyüşən və Ukrayna vətəndaşı adını şərəflə daşıyan həmyerlilərimiz çoxdur. Onlar xalqımızı ləyaqətlə təmsil edir,cəsarətlə döyüşür, əsil qəhrəmanlıq nümunəsi göstərirlər. Onlar niyə,nə üçün vuruşduqlarını bilirlər. Yaxşı bilirlər ki, bu ağır günlərdə Ukraynalı dostlarının yanında olmaq,onların dərdinə sevincinə, ağrı - acılarına şərik olmaq bir insanın vətəndaşlıq borcudur. Belə qorxmaz,cəsur,igid həmyerlilərimizdən biri də qəhrəman döyüşçü Təyyar Bəşirzadədir. O, müharibənin ilk günlərin könüllü olaraq cəbhəyə getmiş və həmişə,hər zaman ön sırada, ağır döyüşlərdə olmuş,cəsarət və qəhrəmanlıq nümunəsi göstərmişdir. Ukrayna Ali Radasının deputatı V. Qonçarenko onu “Ukrayna-Azərbaycan qardaşlığını”nın simvolu adlandırmışdır.
Bu gün ləyaqətli insan,gözəl dost və qəhrəman döyüşçü Təyyar Bəşirzadənin doğum günüdür. Biz də bu cəsur həmyerlimizi ürəkdən təbrik edir,sağlıqlı uzun ömür və haqq savaşında sona qədər tam qələbə arzulayırıq!
MUMtv.az
Anarə Əsgərova