Mumtv.az bildirir ki, bunu Türkiyənin ABŞ-dakı səfiri Sərdar Kılıç "Voll Strit Jurnal” nəşrinin iddialarına cavab olaraq deyib.

"Əksinə Türkiyə beynəlxalq hüquq normaları çərçivəsində haqlarını qoruyan və bu haqqı görməməzlikdən gəlmək istəyənlərə qarşı davamlı olaraq mübarizə aparan bir ölkədir. Bu çərçivədə Yunanıstan və Kipr rəhbərliyinin Şərqi Aralıqdakı birtərəfli addımları və maksimalist iddiaları da nəzərə alınmalıdır. Eksklüziv iqtisadi zona elanları, qazıntı aparmaq üçün lisenziyalar, bölgədəki enerji mənbələrini qəsb etmək təşəbbüsləri, Türkiyənin haqlarını mənimsəmə cəhdləri gərginliyə səbəb oldu. Aralıq dənizində ən uzun sahil xətti olan Türkiyəni bölgədən uzaqlaşdırmaq ideyası səhv və qəbuledilməzdir”, - səfir bildirib.

Qeyd edək ki, "Voll Strit Jurnal” nəşrində "Aralıq dənizindəki gərginlik: İki NATO müttəfiqi dəniz mübahisəsinə görə müharibə edə bilər” başlıqlı məqalə yazılıb.