Avropa Parlamentinin deputatları bildiriblər ki, Belarus Prezidenti Aleksandr Lukaşenko noyabr ayından sonra rəsmi dövlət başçısı hesab edilməməlidir.

"Mövcud avtoritar lider Aleksander Lukaşenkonun səlahiyyət müddəti 5 noyabrda bitdikdən sonra parlament artıq onu ölkə prezidenti kimi tanımayacaq", qanunverici orqanın açıqlamasında deyilir.

Lukaşenkanın beşinci prezidentlik dövrü rəsmi olaraq bu gün bitir.

Dogruxeber.az-ın "Reuters"a istinadən məlumatına görə, onun andiçmə mərasimi 5 noyabr 2015-ci il tarixində baş tutub.

Qeyd edək ki, Avropa Parlamenti Lukaşenkoya qarşı sanksiyaların tətbiq edilməsini dəstəkləyib.