Qazaxıstanla bağlı astroloji proqnoz: - “Putin may ayına qədər...”
MUMtv.az: - Qazaxıstanda hələ də vəziyyət gərgindir. Bu ölkədə baş verənlərlə bağlı müzakirələrdə bir çox fikirlər səsləndirilir. İddia olunur ki, baş verən hadisələr qlobal güclər tərəfindən təşkil edilib.
Digər bir iddiaya görə isə Qazaxıstan hadisələri Rusiyanın ssenarisidir. Kollektiv Təhlükəsizlik Müqaviləsi Təşkilatının (KTMT) hərbçilərinin Qazaxıstana girməsindən sonra bu iddia daha da güclənib.
Qazaxıstan hadisələri ilə bağlı Cebhe.info-ya danışan tanınmış astroloq Səbuhi Rəhimlinin proqnozuna görə, hadisələr məhz Rusiyanın Türk Dövlətləri Təşkilatına qarşı hücumlarının tərkib hissəsidir.
O, 2022-ci illə bağlı 31 dekabrda səsləndirdiyi 25 proqnoza diqqət çəkib. S.Rəhimli bildirib ki, proqnozlarından biri Rusiyanın Türk Dövlətləri Təşkilatına qarşı hücumlara başlayacağı idi: “Proqnoz etmişdim ki, Rusiyanın Türk Dövlətləri Təşkilatına qarşı siyasi hücumları intensivləşsə də, bu, yalnız may ayına qədər davam edəcək və nəticəsiz qalacaq”.
S.Rəhimli qeyd edib ki, Rusiya hakimiyyəti son 12 ilin ən böyük siyasi təzyiqinə, etirazlara məruz qalacaq.